கடவுளுக்கு பெண் தீட்டா?

புரட்சிப்பூக்களின் தொடர்சிக் கவிதை - பகுதி - II

கடவுளுக்கு பெண் தீட்டா?


பெண்களால் கடவுளுக்கு தீட்டா?
கடவுளால் பெண்களுக்கு தீட்டா?
மனிதனை படைத்தது
கடவுள் என்றால்
கடவுளும் தீட்டு தானே?
மனிதன் கடவுளை
படைத்தான் என்றால்
மனிதன் தீட்டுதானே?

படைப்பு கடவுள் பிரம்மன் என்றால்
அவர் பக்கத்தில் இருக்கும்
சரஸ்வதி தீட்டு தானே?
காக்கும் கடவுள்
திருமால் என்றால்
அவர் பக்கத்தில் இருக்கும்
இலட்சுமி தீட்டுதானே?
அழிக்கும் கடவுள்
சிவன் என்றால்
அவர் பக்கத்தில் இருக்கும்
பார்வதி தீட்டுதானே?
இப்படி பெண்களே
தீட்டு என்றால்
தன் மனைவிக்கு
தன் உடம்பில்
சரிபாதி கொடுத்த
சிவன் தீட்டானவனா?
அல்லது தீண்டதகாதவனா?
பெண் தீட்டு என்றால்
இந்த உலக மக்களே தீட்டுதானே?

பார்ப்பான் தீட்டு இல்லை என்றால்
இரவில் அவரின் மனைவியை
தீண்டிவிட்டு
பகலில் கடவுளுக்கு
அர்ச்சனை செய்தால்
தீட்டு இல்லையா?
அப்புறம் எதுதான் தீட்டு?

சமுதாயத்தை சீர் குலைக்கும் மூடநம்பிக்கை !
சமுதாயத்தில் சரி பாதி பெண்ணை
அடிமையாய் வைத்திருக்கும் ஆணாதிக்கம் !
கள்ள பணத்தை வைத்திருக்கும்
சினிமா நடிகன் நடிகை!
மக்கள் சொத்தை கொள்ளை
அடிக்கும் அரசியல் வாதி !
லஞ்சம் கேட்கும் அதிகாரி!
சமுதாயத்தை சீர்குலைக்கும் போதை வஸ்து!
இந்த திட்டுகளை
தீயிட்டு கொளுத்த வேண்டும்
கடவுளை மற!
மனிதனை நினை!!

------------ புரட்சிப்பூக்கள் தொடரும்