வால்மீகி இராமாயணத் தையும், கம்ப ராமாயணத்தையும் அல்லவா தடை செய்யக் கோர வேண்டும்

அறிஞர் இராமானுஜம் அவர்களால் எழுதப்பட்ட 300 இராமாயணங்கள் - அய்ந்து உதாரணங்கள் - மொழிபெயர்ப்புக் குறித்து மூன்று சிந்தனைகள் என்னும் கட்டுரை டில்லிப் பல்கலைக் கழகத்தின் பாடத்திட்டத்தில் இருந்து நீக்கப்பட்டது என்பது வரலாற்று மோசடியாக என்றென்றும் பேசப்படும்.

வால்மீகி இராமாயணத்தில் அகலிகை வலிய இந்திரனை அழைத்ததாகவும், அதனால்தான் இந்திரனின் உடல் ஆயிரம் பெண்குறிகளாக மாறட்டும் என்று சாபமிட்டதாகவும் கூறப்பட்டுள்ளது என்று அக்கட்டுரையில் கூறப்பட்டிருப்பதுதான் தடை செய்யப் படுவதற்குக் காரணமாம்.

வால்மீகி இராமாயணத்தில் அவ்வாறு கூறப்பட வில்லை; வரலாற்றுப் பேராசிரியர் இராமானுஜம் தவறாக - கற்பனையாக எழுதியுள்ளார் என்று நிரூபித்து அந்தப் பாடத்தைத் தடை செய்திருந்தால் அதுதான் அறிவு நாணயமாகும். அவ்வாறு அவர்களால் சொல்லப்பட வில்லை - அவ்வாறு சொல்லவும் முடியாது; காரணம் பேராசிரியர் இராமானுஜம் கூறிய மூல நூலாகிய வால்மீகி இராமாயணத்தில் உள்ளதுதான், அதனைத்தான் அவர் கையாண்டுள்ளார்.

பாரதிய ஜனதாவின் மாணவர் பிரிவாகிய ஏ.பி.வி.பி.யைச் சேர்ந்தவர்கள் பல்கலைக் கழகத்தில் புகுந்து வன்முறை வெறியாட்டம் நடத்தியதன் காரணமாகவே இத்தகைய தொரு விபரீத முடிவை பல்கலைக் கழகம் மேற்கொண்டுள்ளது. தடி எடுத்தவன் தண்டல்காரன் என்ற நிலை ஒரு பல்கலைக் கழகத்தால் அங்கீகரிக்கப்பட்டுள்ளது - வெட்கக்கேடானதாகும்.

நூலகங்களைக் கொளுத்துவது - பாடத் திட்டங்களை மாற்றுவது - கலாச்சார சின்னங்களைச் சீரழிப்பது என்பது  பாசிஸ்டுகளின் அணுகுமுறையாகும். அதனைத்தான் இந்துத்துவாவின் கும்பல், நாட்டில் செய்து கொண்டி ருக்கிறது.

கவுதம முனிவரின் மனைவி அகலிகை அழகினிற் சிறந்தவள்; அவளை உடல் ரீதியாக அனுபவிக்க வேண்டும் என்று நினைத்தவன் தேவர்களுக்கெல்லாம் தலைவனான இந்திரலோகத்து அரசனாகிய தேவநாதன் இந்திரன். (தேவநாதன் என்றால் காஞ்சிபுரம் மச்சேஸ்வர கோயில் குருக்கள் தேவநாதன் நினைவிற்குக் கூட வரலாம் - இவனும் அந்த தேவநாதன்  காட்டிய அந்த வழியைத்தான் கடைப்பிடித்திருக்கிறான்  என்பதை நினைவுபடுத்திக் கொள்ளலாம்.)

விடியற்காலையில் எழுந்திருந்து கங்கைக்குச் சென்று நீராடி பூஜை புனஸ்காரங்களில் ஈடுபடுவது கவுதம முனிவரின் அன்றாடப் பணி.

இந்திரன் என்ன செய்தான்? அகால நேரத்தில் சேவல் மாதிரி கூவிட, கவுதமன் வழக்கமாக விடியற் காலம் வந்தது என்று கருதி கங்கைக்குச் சென்றான்.

சென்ற முனிவன் திடுக்கிட்டான். ஏதோ சூது நடந்துள்ளது என்று கூறி வேகமாக தம் ஆசிரமத்துக்குத் திரும்புகிறான். இந்த இடைவெளியில் இந்திரன், கவுதம முனிவன்பேர்ல வடிவம் எடுத்து அகலிகையை அணுகி உடல் இன்பம் அனுபவித்தான்.  அதுசமயம் திரும்பிய கவுதம முனிவன் இந்திரனுக்குச் சாபமிட்டான். எந்த இன்பத்திற்காக இந்த அடாத காரியத்தைச் செய்தாயோ, அதன் அறிகுறியாக உன் உடல் முழுவதும் ஆயிரம் பெண் குறிகள் தோன்றட்டும் என்று சாபமிட்டான். அகலி யையைக் கல்லாகக் கடவது என்றும் சாபமிட்டான். இவை மூல இராமாயணமாகிய வால்மீகியில் உள்ளதுதான்.

இந்த விவரமும் வால்மீகியைத் தழுவி தமிழில் எழுதிய கம்ப இராமாயணத்தில் (பாலகாண்டம்-அகலிகைப் படலம் - பாடல்கள் 545 முதல் 549 வ) விரிவாகக் காணப் படுகிறது.

இந்திரன் கவுதம முனிவரின் ஆசிரமத்திலிருந்து வெளியேறியபோது அவனது உருவத்திலேயே சென்றான் என்கிறார் வால்மீகி. கம்பனோ பூனை வடிவில் வெளியேறினான் இந்திரன் என்று எழுதியிருக்கிறார்.  இந்திரன்-அகலிகை புணர்ச்சியையோ, கவுதம முனிவரின் சாபத்தையோ கம்பனாலேயே மறைக்க முடியவில்லை.

புக்கவ ளோடுங் காமப்புதுமண மதுவின்தேறல்
ஒக்கவுணர்ந் திருத்தலோடு முணர்ந்தனள்
 உணர்ந்தபின்னோ
தக்க தன் றென்னத் தேறா டாழ்ந்தனள்
முக்கணனை வாற்றன் முனிவனும்
 முடுகி வந்தான்.

(கம்ப இராமாயணனம் - அகலிகைப் படலம், பாடல் 545)

இந்திரன் அகலிகையைப் புணரும்போது, அவன் தன் கணவன் கவுதமன் அல்லன்; வேறு ஆடவன் என்று உணர்ந்து கொண்டாளாம். தவறு நடந்துவிட்டது என்று தெரிந்திருந்தும் அதனின்றும் விடுபடாமல் ஆசை மிகுதியால் உடன்பட்டாள் என்று கம்ப நாட்டாழ்வாரே ஒப்புக் கொண்டுள்ள நிலையில், உண்மையைச் சொன்ன பேராசிரியர் இராமானுஜம் அவர்கள் எழுதிய கட்டுரையை தடை செய்தது - 2011 ஆம் ஆண்டில் இந்தியா சஞ்சரிக்க வில்லை; இன்னும் காட்டுவிலங்காண்டித்தன மதவெறி மனப்பான்மையுடன்தான் இருக்கிறது என்பதற்கான அடையாளம் ஆகும்.  நியாயமாக வால்மீகி இராமாயணத் தையும், கம்ப ராமாயணத்தையும் அல்லவா தடை செய்யக் கோர வேண்டும்.
வெட்கக்கேடு!  மகா மகா வெட்கக்கேடு!!

----விடுதலை தலையங்கம்,25-10-2011

துக்ளக்கின் புரட்டுக்குப் பதிலடி! (15) மொழி நக்சலைட்டுகள் யார்?

தோழர் ஜீவா சொன்னாலும் சரி, வேறு யார் சொன்னாலும் சரி, பார்ப்பனர் - பார்ப்பனர் அல்லாதார் போராட்டம் என்பது தந்தை பெரியார் அவர்களால் கற்பனையாக உருவாக்கப் பட்டதல்ல. அது நீண்ட காலப் போராட்டம். கவுதம புத்தர் காலத் திலும் நடைபெற்றதுதான்.

தொடர்ச்சியாக நடந்ததுதான் - ஆரியர் சூழ்ச்சிகளால்  வென்றிருக்க லாம். பெரியார் காலத்தில் அது மரண அடி வாங்கியது என்பதுதான் உண்மை.

தோழர் ஜீவாவை விட்டே மோத விடுவது கூட ஒரு வகையான பார்ப் பனத்தனம்தான். அதே ஜீவா தந்தை பெரியாரின் தொண்டராக இருந்து பார்ப்பனர் எதிர்ப்பைத் தூக்கிப் பிடித்தவர்தான். கடைசி காலத்திலும் தந்தை பெரியாரை நன்கு உணர்ந்து அவர் நிலையை ஆதரித்தவர்தான்.

மாபெரும் காரியங்களை சாதித்து வந்திருக்கும் அய்யா அவர்களைப் பற்றிப் பேசும்போது கொஞ்சம் நிதானமாகதான் பேசவேண்டும் என்று ஜீவா அவர்கள் சொன்னது (23-.11.-1951 சென்னை செம்பியம் பொதுக் கூட்டத்தில்) துக்ளக்குக்கும் பொருந்தும்; லட்சுமி நாராயணர் வகையறாக் களுக்கும் பொருந்தும்.

பார்ப்பனர்கள் ஜாதி ஒழிப்பு வீரர்கள் போல எழுதுகிறார்களே -_ எழுதுபவரின் தோளிலும், எழுதப்படும் ஏட்டின் ஆசிரியரின் தோளிலும் தொங்குவது என்ன? அந்தப் பூணூலின் திமிருக்கு என்ன பொருள்?

நீங்கள் பிராமணர்கள் என்றால் நாங்கள் யார்? பதில் சொல்லும் திராணி உண்டா?

அனைத்து ஜாதியினருக்கும் அர்ச் சகர் உரிமை என்று பெரியார் கூறியதும், திராவிடர் கழகம் இன்று வரை போராடுவதும், கலைஞர் அவர்கள் ஆட்சியில் சட்டம் கொண்டு வரப் பட்டதும், ஜாதி ஒழிப்புச் சிந்தனை அல்லவா? அதனை எதிர்த்து உச்ச நீதிமன்றம் சென்ற பதின்மூன்று பேர்களும் பார்ப்பனர்கள் அல்லவா?

அடுத்த வார துக்ளக்கில் அனைத்து ஜாதியினருக்கும் அர்ச்சகர் உரிமை என்பதை நாங்கள் ஆதரிக்கிறோம். சங்கராச்சாரியாராக இந்து மதத்தைச் சேர்ந்த - _ அதற்கான சாத்திரங்களைக் கரைத்துக் குடித்த எவரும் வரலாம் _- நாங்கள் ஏற்கிறோம் என்று எழுதிடத் தயாரா? சவால் விட்டுக் கேட்கிறோம். இந்த 2011 ஆம் ஆண்டிலும் தமிழர்கள் இளித்தவாயர்கள் என்ற ஆணவத்தில் எழுதலாமா?
பார்ப்பனர்களின் ஜாதி ஆணவத்தை காந்தியார் சுட்டிக் காட்டவில்லையா?

ஒரு பிராமணனோ அல்லது வேறு யாரோ தாம் உயர்ந்தவர் என்று உரிமை கொண்டாடும்போது, பிராமணரல் லாதார் அதை எதிர்த்துப் போரிட்டால், அதை முழுக்க முழுக்க நான் ஆதரிக் கிறேன். நான் உயர்ந்தவன் என்று உரிமை கொண்டாடுபவன் மனிதன் என்று அழைக்கப்படுவதற்கு உரியவன் அல்லன். ஒரு பிராமணன் பணம் சம்பாதிப்பதில் இறங்கிவிட்டால் அவன் பிராமணன் அல்லன்.

-இதைச் சொன்னவர் யார் தெரியுமா? மகாத்மா காந்தியார். தஞ்சாவூர் பொதுக் கூட்டத்தில்தான் (16.9.1927) அப்படிச் சொன்னார். காந்தியாரைக் கறுப்புச் சட்டைப் பட்டியலில் சேர்த்திட உத்தேசமோ?

கதர் போர்டின் தலைவராக பெரியார் இருந்தார். செயலாளராக சந்தானம் அய்யங்கார் இருந்தார். உத்தியோகங்களை எல்லாம் பார்ப் பனர்களுக்கே தாரை வார்த்துக் கொண் டிருந்தார். தலைவர் பெரியார் எதிர்த் தார். சந்தானம் ராஜினாமா செய்தார். காந்தியார் வரை கொண்டு சென்றனர்.

இது குறித்து காந்தியார், பெரியார், சந்தானம், ராஜகோபாலாச்சாரியார் எல்லோரும் விவாதித்தனர். அப் பொழுது நடைபெற்ற உரையாடல் (குடிஅரசு இதழில் (6.3.1927) வெளி வந்துள்ளது.

பெரியார்: கதர் போர்டு சம்பந்த மான உத்தியோகங்களைப் பெரிதும் பார்ப்பனர்களுக்கே அவர் கொடுப்ப தால் அதன் தலைவர் என்ற

முறையில் பார்ப்பனர் அல்லாதாருக்கும் கொடுக்க வேண்டும் என்பதாகச் சொன்னதனால் அவருக்குத் திருப்தி இல்லாமல் அவர்

ராஜினாமா கொடுத்துவிட்டார்.

மகாத்மா: இது ஸ்ரீமான் ராஜ கோபாலாச்சாரி யாருக்குத் தெரியாதா

பெரியார்: இது விஷயத்தில் அவர் கள் எல்லோரும் ஒன்றுதான்.

மகாத்மா: அப்படியானால் உமக்கு ஸ்ரீமான் ராஜகோபாலாச்சாரியாரிடம் கூட நம்பிக்கை இல்லையா?

பெரியார்: பார்ப்பனர்களுக்கு அவரிடம் இருக்கும் நம்பிக்கை அளவு எனக்கு அவரிடம் இல்லை.

மகாத்மா: அப்படியானால் பார்ப் பனர்களிடத்திலேயே உமக்கு நம்பிக் கையில்லையா

பெரியார்: இந்த விஷயத்தில் நம்பிக்கையே உண்டாவதில்லையே

மகாத்மா: அப்படியானால் உலகத் திலேயே நல்ல பார்ப்பனர் இல்லை என்பதுதான் உமது அபிப்பிராயமா

பெரியார் : என் கண்ணுக்குத் தென் படுவதில்லையே; நான் என்ன செய்யட்டும்

மகாத்மா: அப்படிச் சொல்லாதீர் கள். நான் ஒரு நல்ல பார்ப்பனரைக் கண்டிருக்கிறேன். அவர்தான் கோகலே. அவர் தம்மைப் பிராமணன் என்று சொல்லிக் கொண்டது கிடையாது. யாராவது அவரை பிராமணன் என்று கூப்பிட்டாலும் மரியாதை செய்தாலும் நட்புக் கொள்ளாததோடு உடனே ஆட்சேபித்துத் தமக்கு அந்த யோக்கியதை இல்லை என்பதை எடுத்துக் காட்டுவார்.
பெரியார்: மகாத்மா கண்ணுக்கே ஒரே ஒரு யோக்கியமான பிராமணன் மாத்திரம் தென்பட்டு இருக்கும்போது என் போன்றவர்கள் கண்ணுக்கு எப்படி தென்படக்கூடும்?

மகாத்மா: (வேடிக்கையாகச் சிரித்து விட்டு) மறுபடியும் ஸ்ரீமான் சந்தானம் ராஜினாமாவை வாபஸ் பெற்றுக் கொண்டு காரியதரிசி வேலை பார்க்கக்கூடாதா?

பெரியார்: நன்றாய் பார்க்கலாம். எனக்கு ஒன்றும் ஆட்சேபணை யில்லை. ஆனால் பார்ப்பனரல்லா தாருக்கு 100-க்கு 50 வீதம் உத்தியோக மாவது கொடுக்கக் கட்டுப்பட வேண்டும்.

(ஸ்ரீமான் பாங்கர் ஆச்சரியப்பட்டு 100-க்கு 50 வீதம் போதுமா? அது கூடவா இப்போது கொடுக்கப்பட வில்லை என்கிறீர் என்று கேட்டார்.   ஆம் என்றார் பெரியார்).

சங்கர்லால் பாங்கர்: ஸ்ரீமான் ராமசாமி நாயக்கர் 100-க்கு 50 வீதம் போதும் என்கிறாரே. இது என்ன அதிசயம்?

மகாத்மா: நான் ஒரு போதும் சம்மதியேன். 100-க்கு 90 வீதம் கொடுக்க வேண்டும்.

பெரியார்: 100-க்கு 50 கொடுப்பதாய் தீர்மானம் போட முடியாது என்கிற வர்கள் 100-க்கு 90 வீதம் கொடுப்ப தெப்படி?

மகாத்மா: தீர்மானம் போட வேண் டும் என்று நான் சொல்ல வரவில்லை. ஆனால் 100-க்கு 90 வீதம் கொடுக்க வேண்டியது கிரமம் என்றுதான் சொல்லுவேன். (ஸ்ரீமான் சந்தானத்தைப் பார்த்து) பார்ப்பனர் அல்லாதாருக்கு உத்தியோகம் கொடுப்பதில் உமக்கு என்ன ஆட்சேபணை?

சந்தானம்: எனக்கு ஒன்றும் ஆட் சேபணை இல்லை. ஒருவரும் வருவ தில்லையே. நான் என்ன செய்யட்டும்?

மகாத்மா: (பெரியாரைப் பார்த்து) நாயக்கர் ஜீ! யாரும் வருவதில்லை என்கிறாரே என்ன சொல்கிறீர்?

பெரியார்: அது சரியல்ல. ஏன் வருவ தில்லை என்பதற்கே காரணம் வேண்டும். முதலாவது வேலை கொடுக்க வேண்டும்; வேலை கொடுத்து அவனை மரியாதையாக நடத்த வேண்டும். இந்த இரண்டு காரியம் நடந்தால் எவ்வளவு பேர் வேண்டு மானாலும் கிடைப்பார்கள்.

மகாத்மா: அப்படியானால் இனி மேல் உத்தியோகஸ்தர்களை நியமிக்கும் அதிகாரத்தை நீங்கள் வைத்துக் கொள்கிறீர்களா?
பெரியார்: ஸ்ரீமான் சந்தான முடியாதென்றால் நானே பார்த்துக் கொள்கிறேன்.

மகாத்மா: (ஸ்ரீமான் சந்தானத்தைப் பார்த்து) இனி, உத்தியோகஸ்தர்கள் நியமனத்தை நாயக்கரிடம் விட்டு விடுங்கள் என்றார்.

சந்தானம்: எனக்கு ஆட்சேபணை யில்லை. (ஸ்ரீமான் ராஜகோபாலாச் சாரியார் குறுக்கே தலையிட்டு அது முடியாத காரியம்.

ஏனென்றால் யார் வேலை வாங்குகிறார்களோ, அவர்கள்தான் வேலைக்காரரை நியமிக்க வேண்டும். அப்படிக்கில்லாமல் ஒருவர் நியமிப்பதும் ஒருவர் வேலை வாங்குவதுமாயும் இருந்தால் வேலை நடக்காது என்றார்.)

மகாத்மா: உடனே சிரித்துக் கொண்டு நாயக்கர் சொல்வதில் ஏதோ உண்மை இருக்கும்போல் தோன்று கிறது. இப்போது நான் காங்கிரஸ் பிரசிடென்ட், ஸ்ரீமான் ஜவஹர்லால் நேரு காரியதரிசி, நான் நியமித்த ஆளைக் கொண்டு ஜவஹர்லால் வேலை வாங்க முடியா விட்டால் நானாவது குற்றவாளியாக வேண்டும்; அல்லது ஜவஹர்லாலாவது குற்ற வாளியாக வேண்டும். நியமிக்கப் பட்ட ஆளிடம் குற்றமிருக்க நியாயமில்லை. சர்க்காரில் கூட நியமிப்பவர் ஒருவர், வேலை வாங்குபவர் ஒருவர். அப்படி யிருக்க, அதில் எங்கேயாவது வேலை வாங்குபவர் நியமிக்காததால் வேலைக்காரர்கள் சரியாக நடக்க வில்லை என்று ஏற்பட்டிருக்கிறதா என்று கேட்டார்.

ராஜகோபாலாச்சாரியார்: வகுப்புப் பிரிவினை பார்த்தால் போதுமான வேலை நடக்க வேண்டாமா? தகுதியும் கூட பார்க்க வேண்டாமா?

மகாத்மா: நாயக்கர் அதையும் பார்த்துக் கொள்வார் என்றே நினைக் கிறேன். அப்படி பார்ப்பனரல்லாதாரை நியமிப்பதன் மூலம் ஏதாவது வேலைகள் கொஞ்சம் கெட்டுப் போனாலும் குற்றமில்லை. இரண்டு காரியங்களும் நடக்க வேண்டியதுதான். அதாவது கதர் விஷயம் எப்படி முக்கியமானதோ அது போல வகுப்பு அதிருப்திகளும் நீங்கவேண்டியதும் மிக முக்கியமானது. ஆதலால் கதர்போர்டு சம்பந்தமான உத்தியோக நியமனம் நாயக்கர் கையில் இருக்கட்டும் என்று சொன்னார்.
(குடிஅரசு 16.3.1927)

பார்ப்பனர் பிரச்சினையில் பெரியார் சொன்னது உண்மை என்பதைக் காந்தி யாரே ஒப்புக் கொண்டு விட்டாரே! காந்தியாரும் பிராமணத் துவேஷி என்று சொல்லவேண்டியதுதானே!

வரலாற்றில்தான் எத்தனை எத்தனை நிகழ்வுகள் நதிகள் போல் ஓடியிருக் கின்றன. 1937ஆம் ஆண்டிலேயே பார்ப்பனர்களைப் பார்த்து தந்தை பெரியார் ஒன்றைக் கேட்டார்.

இன்று கனம் டாக்டர் ராஜன் அய்யங்கார் தேவஸ்தான இலாகா மந்திரியாயிருக்கிறார். அவர் ஆதீனத்தில்தான் இந்நாட்டுக் கோவில்களின் தலையெழுத்து பூராவும் இருக்கின்றன. சட்டசபையும் கனம் டாக்டர் ராஜன் காலாட்டினால் மற்றவர்கள் தலையை ஆட்டும்படியான மெஜாரிட்டியாய் இருக்கிறது. சர்க்காரோ காங்கிரசே சர்க்கார் - சர்க்காரே காங்கிரஸ் என்று கனம் ராஜனே சொல்லிக் கொள்ளும்படியான நிலைமையில் இருக்கிறது. இந்நிலையில் இந்த கோவில்களுக்கெல்லாம் பார்ப்பானே மணி அடிக்க வேண்டும். பார்ப்பானே சோறு பொங்க வேண்டும். பார்ப்பானே வேதம் ஓத வேண்டும் என்பவை ஆன பார்ப்பானே செய்ய வேண்டும் என்கின்ற காரியங்களை மாற்றி, வகுப்புவாதம் புரிகின்ற ஜஸ்டிஸ் கட்சியார் உள்பட தனித் தொகுதி கேட்பதும் இந்து மதத்தை விட்டுப் போவதும், ஆபத்து என்று கூறி தடுக்கப்படும் ஷெட்யூல் வகுப்பார் வரை உள்ள எல்லா இந்துக்களும் செய்யலாம் என்று ஒரு சட்டமோ உத்தரவோ செய்து வகுப்புவாத ஆதிக்கத்தை ஒழிப்பாரா? என்று வணக்கமாய் கேட்கின்றோம்.

இதாவது நாளைக்குச் செய்யட்டும். இன்றைக்கு எல்லா இந்துக்களும் வகுப்பு ஜாதி என்கின்ற வித்தியாச முறை இல்லாமல் சர்வ சக்தியும், சர்வ வியாபகமும், சர்வதயாபரமும் உள்ளவரான பகவானைத் தரிசிக்க சர்வ சுதந்திரமாய் அனுமதிக்கப்படும் என்று உத்தரவு போடட்டுமே என்றுதான் கேட்கிறோம். - (குடிஅரசு - தலையங்கம் - 08.08.1937)

இன்றைக்கு 74 ஆண்டுகளுக்கு முன்பே தந்தை பெரியார் இவ்வாறு எழுதியிருக்கிறாரே பார்ப்பனர்களைப் பொறுத்தவரை இன்றுவரை இவற்றில் மாற்றம் பெற்றுள்ளனரா? இந்த யோக்கியதையில் உள்ள பார்ப்பனர்கள் பேனா பிடித்து முண்டா தட்டுவது

யாரை ஏமாற்ற?

பார்ப்பனர்களைப் பொறுத்தவரை தந்தை பெரியார் எத்தனையோ முறை வேண்டுகோள் விடுத்ததுண்டு.
இந்த வார துக்ளக்கில் (26.10.2011) சென்னை இராயப்பேட்டை இலட்சுமி புரத்தில் உள்ள லட்சுமிபுரம் யுவர் சங்கம் என்கிற பார்ப்பன சங்கத்தில் அண் ணாவும் ராஜாஜியும் பங்கு கொண்டது குறித்தும், அதில் அண்ணா அவர்கள் ராஜாஜியைப் புகழ்ந்தது குறித்தும்  குறிப்பிடப்பட்டுள்ளது.

அந்த அமைப்பில் தந்தை பெரியார் அவர்களும் பங்கு கொண்டு(5.1.1953) உரையாற்றியதுண்டு. அந்தக் கூட்டத்தில் தந்தை பெரியார் பேசியதை இன்றைக்கும் கூட சிந்தித்துப் பார்த்திட வேண்டும் பார்ப்பனர்கள்.

இதோ பெரியார் பேசுகிறார்:

யாரோ சில பிராமணர்கள், பெரி யார் ராமசாமி நாயக்கர், பிராமணர்கள் இந்த நாட்டில் வாழவே கூடாது என்று கூறி வருகிறார். அவரை நீங்கள் எப்படி இங்கே கூப்பிட்டீர்கள் என்ப தாகக் கேட்டார்கள் என்று ஒருவர் இங்கு சொன்னார். பிராமணர்கள் இந்த நாட்டில் வாழக் கூடாது என்றோ, இருக்கக்கூடாது என்றோ திராவிடர் கழகம் வேலை செய்ய வில்லை.-திராவிடர் கழகத்தின் திட்ட மும் அதுவல்ல. திராவிடர் கழகத் தினுடைய திட்டமெல்லாம் - திராவிடர் கழகமும், நானும் சொல்லுவது எல்லாம், விரும்புவது எல்லாம் - நாங்களும் கொஞ்சம் வாழவேண்டும் என்பதுதான். இந்த நாட்டிலே நாங்களும் கொஞ்சம் மனிதத் தன்மையோடு சமத்துவமாக இருக்க வேண்டும் என்பதுதான்.

இது, பிராமணர்கள் இங்கு வாழக் கூடாது என்று சொன்னதாகவோ, இந்த நாட்டை விட்டு அவர்கள் போய் விடவேண்டுமென்று சொன்னதாகவோ அர்த்தம் ஆகாது. அவர்களைப் போகச் சொல்லவேண்டிய அவசியமில்லை. அது ஆகிற காரியம் என்று நான் கருதவுமில்லை. தவிரவும் பிராமணர் களுக்கும் நமக்கும் பிரமாதமான பேதம் ஒன்றும் இல்லை. அவர்கள் அனுசரிக் கிற சில பழக்க வழக்கங்களையும், முறைகளையும்தான் நாங்கள் எதிர்க் கிறோம். இது, அவர்கள் மனம் வைத்தால் மாற்றிக் கொள்வது பிரமாதமான காரியம் இல்லை.

நமக்கும் அவர்களுக்கும் என்ன பேதம்? இப்போது அவர்களும், நாமும் ஒரு குழாயிலே தண்ணீர் பிடிக்கிறோம். ஒரு தெருவிலே நடக்கிறோம்; ஒரு தொழிலையே இருவரும் செய்கிறோம். காலமும் பெருத்த மாறுதல் அடைந்து விட்டது. மக்களும் எவ்வளவோ முன்னேற்றமடைந்து விட்டார்கள். விஞ்ஞானம் பெருக்கம் அடைந்து விட்டது. இந்த நிலையில் நமக்குள் மனித தர்மத்தில் பேதம் இருப் பானேன்? ஆகவே, உள்ள பேதங்கள் மாறி, நாம் ஒருவருக்கொருவர் சமமாகவும் சகோதர உரிமையுடனும் இருக்கவேண்டும் என்பதற்காகத்தான் நான் பாடுபடுகிறேன். நம்மிடையில் பேத உணர்ச்சி வரக்கூடாது என்பதில் எனக்குக் கவலை உண்டு. எனவே, முயற்சியில் பலாத்காரம் சிறிதும் இருக்கக்கூடாது என்பதிலும் எனக்குக் கவலை உண்டு. காலம் எப்போதுமே ஒன்றுபோல இருக்க முடியாது.

நம்மில் இரு தரப்பிலும் பல அறிஞர்களும், பொறுமை சாலிகளும் இருப்பதனாலேயே நிலைமை கசப்புக்கு இடமில்லாமல் இருந்து வருகிறது. இப்படியே என்றும் இருக்கும் என்று நினைக்க முடியாது. திராவிடர் கழகப் பின் சந்ததிகளும், பிராமணர்களின் பின் சந்ததிகளும் இந்தப்படியே நடந்து கொள்வார்கள் என்றும் கூறமுடியாது. ஆதலால், அதிருப்திகளுக்குக் காரண மானவைகளை மாற்றிக் கொள்வது இருவருக்கும் நலம். அதை நண்பர் ஸ்ரீனிவாசராகவன் அவர்களும் நன்றாய் விளக்கி இருக்கிறார்; அதாவது பிரா மணர்களும் கால தேச வர்த்தமானத் துக்குத் தக்கபடி மாற்றிக் கொள்ள வேண்டும் என்று கூறினார். அதுதான் இப்போது இரு தரப்பினரும் கவனிக்க வேண்டியது.      (விடுதலை 8.1.1953)
என்று பார்ப்பனர்கள் மத்தியிலேயே பேசினாரே தந்தை பெரியார்.

இந்தச் சந்தர்ப்பத்தை எல்லாம் பார்ப்பனர்கள் பயன் படுத்திக் கொள்ள வில்லையே!

இன்றைக்கும் என்ன எழுது கிறார்கள்?

கேள்வி: தமிழ்மொழியை செம் மொழியாக்க சட்டம் கொண்டு வந்தால் என்னென்ன பயன்?

பதில்: காவிரி ஆற்றில் தண்ணீர் பெருக்கெடுத்து ஓடும். ஏழை நெசவாளர் வீட்டுத் தறி நிற்காமல் இயங்கும். ஒரு வேளை கஞ்சிக்கே வழி இல்லாதவருக்கு மூன்று வேளையும் மட்டன் பிரியாணி கிடைக்கும். - (தினமலர், வாரமலர் 13.62004)

தமிழகப் பொதுப் பணித்துறைச் செயலாளர் ராமசுந்தரம்: தமிழகத் திற்குக் கர்நாடகா ஆண்டுக்கு 205 டி.எம்.சி. தண்ணீர் தரவேண்டும். மேட்டூர் அணை ஒவ்வொரு ஆண்டும் ஜூன்12 ஆம் தேதி தண்ணீர் திறந்து விடப்படும். கர்நாடகஅரசு குறித்த நேரத்தில் தண்ணீர் திறந்துவிடாததால் இந்த ஆண்டு தாமதமாக கடந்த 7 ஆம் தேதிதான் திறந்துவிட்டோம்.

டவுட்தனபாலு: அதனால என்னங்க. பெங்களூருவுல திருவள் ளுவர் சிலை திறந்து விட்டோமா இல்லையா? அதுக்கப்புறம் டெல்டாப் பகுதிகள்ல முப்போகம் விளையாதா என்ன? - (தினமலர் 18.8.2009)

கேள்வி: தமிழர்களின் புத்தாண்டு தை முதல் தேதி என விரைவில் அறிவிப்பதாகச் சொல்கிறாரே முதல் அமைச்சர்?
பதில்: எல்லாம் கிடக்க, கிழவியை மணையில் அமர்த்திய கதைதான். (கல்கி 27.1.2008)

தமிழ்ப் புத்தாண்டு இதெல்லாம் வழக்கத்திற்கு விரோதமானது, நம்பிக்கைக்கு விரோதமானது.

(துக்ளக் 27.1.2010)

கேள்வி: பெங்களூரில் திருவள்ளுவர் சிலை திறக்கப்படுவதன்மூலம்கன்னடர்- தமிழர் இடையே நல்லுறவு, நல்லி ணக்கம் ஏற்படும்  என்று கர்நாடக முதல்வர் எடியூரப்பா கூறியுள்ளாரே!
பதில்: நல்லுறவா? நல்ல உறவுதான். யாராவது கன்னட வெறியர்கள் ஒரு சமயம் பார்த்து, அந்தச் சிலையை அவமதிக்காமல் இருந்தால் போதுமே! - (துக்ளக்  19.8.2009)

தமிழில் படித்தால் சட்டி சுரண்டு கிற வேலைக்குக் கூட லாயக்காக மாட்டோம்.

(துக்ளக் 23.6.2010)

கேள்வி: தமிழை வைத்து இன்னும் எத்தனை விதங்களில் என்னென்ன விழாக்கள் நடத்தலாம்?

பதில்: தமிழுக்கு வாய்ப்பா இல்லை? நிறைய வாய்ப்பிருக்கிறது! கலைஞர் வளர்த்த தமிழ் மாநாடு, கலைஞரால் வளர்க்கப்பட்ட தமிழ் மாநாடு, கலைஞர் சிறப்பித்த தமிழ் மாநாடு, கலைஞரால் வளர்ந்த தமிழ் மாநாடு - என்று எவ்வளவோ விழாக்கள் நடத்தலாமே!  கலைஞர் ரெடி - தமிழகம் ரெடி- தமிழ் ரெடியா?
 (துக்ளக்  4.8.2010)

கேள்வி: உலகத் தமிழ் மாநாடு என்பது எதற்காக நடத்தப்படுகிறது?

பதில்: இதுவரை நடந்த உலகத் தமிழ் மாநாடுகள் எதற்காக நடத்தப் பட்டன? அவை என்ன சாதித்தன? அதனால் தமிழ் மொழிக்குக் கிட்டிய சிறப்புகள் என்னென்ன? என்பதை யெல்லாம் கண்டுபிடியுங்கள். அதைக் கண்டுபிடித்த பின், அதே பயன் களுக்காகத் தான் இந்த மாநாடும் நடத்தப்படுகிறது என்பது உங்களுக்குப் புரிய வரும். - (துக்ளக் 14.10.2009)

தமிழை வளர்க்கிறேன் என்று அரசு நிர்வாகத்தில் புகுந்து குட்டிச் சுவராக்கும் இவர்களை மொழி நக்சலைட்டுகள் என்றுதான் கருத வேண்டும். . . முதல்வரே தமிழைச் சொல்லி ஏமாற்றுகிறவராக இருப்பதால், சென்னை மேயர் முதல் தமிழ் வளர்ச்சித் துறை இயக்குநர் வரை தமிழை அமல்படுத்துகிறோம் என்று கம்பு, கடப்பாரை சகிதம் கிளம்பி விடுகிறார் கள். துப்பாக்கி ஏந்துகிறவர்கள்தான் தீவிரவாதிகள் என்பதல்ல. இதுபோல், நடைமுறைக்கு ஒவ்வாத மொழி வெறி பிடித்து அலைகிறவர்களும், அந்த மொழி வெறியைத் தங்கள் அதி காரத்தின் மூலம் ஜனங்கள் மீது திணிக்கிறவர்களும் தீவிரவாதிகள்தான்.  இவர்கள் மொழி நக்சலைட்டுகள். - (துக்ளக்  15.9.2010)

இவற்றுக்கெல்லாம் பதவுரை, பொழிப்புரை, கருத்துரை தேவையில்லை.

தமிழ், தமிழர், தமிழ்ப் பண்பாடு, திருவள்ளுவர் என்னும் சொற்களைக் கேட்கும்போதே இந்தப் பார்ப்பனக் கூட்டத்துக்குக் குமட்டிக் கொண்டு வருகிறதே!

பார்ப்பனர்களின் இந்தப் பிறவிக் குணத்தை மிக அழகாக - நேர்த்தியாக படம் பிடித்துக் கண்ணாடி சட்டம் போட்டுக் காட்டுகிறார் அறிஞர் அண்ணா.

தமிழ்நாட்டில் பிறந்தும், தமிழ் மொழியைப் பயின்றும் தமிழரெனச் சொல்லிக் கொண்ட போதிலும், தமிழ் மொழி மூலம் பிழைத்து வந்தாலும், தமிழிலே பண்டிதரென்னும் பட்டம் பெற்றாலும், சங்க நூல் கற்றாலும், பார்ப்பனர்கள் தமிழிடத்திலே அன்பு கொள்வதில்லை. அதனைத் தாய் மொழியெனக் கருதுவதில்லை. அவர் களின் எண்ணமெல்லாம் வடமொழி யாகிய சமஸ்கிருதத்தின் மீதுதான். - (திராவிட நாடு  - 2.11.1947)

அண்ணா சொன்னது ஏதோ விளையாட்டல்ல. நிதர்சனமானது. துக்ளக்கில் ஒரு கேள்வி.

கேள்வி: துக்ளக்கை 35 ஆண்டு களுக்கு மேலாக நடத்தியும் எந்தப் பயனும் ஏற்பட்டதாகத் தெரியவில்லை என்று என்றாவது நீங்கள் விரக்தி அடைந்ததுண்டா?

பதில்: எந்தப் பலனும் இல்லை என்று எப்படிச் சொல்வது? எனக்குப் பிழைப்பு நடந்திருக்கிறதே.
(துக்ளக் - 24.10.2005)

இப்படி தமிழால் பிழைப்பு நடத்திக் கொண்டிருப்பவர்தான் தமிழைப் பழிக்கிறார். அதைத்தானே அண்ணா வும் சொல்கிறார்.

தமிழ்நாட்டில் தமிழ் மீது பற்றுக் கொள்வது மொழி நக்சலிசமாம். இப்படிச் சொல்லுகிற பார்ப்பனர்களின் நிலை என்ன?

கோவில்களில் வழிபாட்டு மொழி தமிழ் என்று சொன்னால், துக்ளக் (18.11.1998)  என்ன தலையங்கம் தீட்டு கிறது? தலைப்பே மொழி ஆர்வமா? மத துவேஷமா?

என்ன எழுதுகிறார் திருவாளர் சோ ராமசாமி அய்யர்?

நாயன்மார்களும், ஆழ்வார்களும் இயற்றிய தமிழ்ப் பாடல்களை ஸம்ஸ்கிருதத்தில் மொழி பெயர்த்தால் அர்த்தம் இருக்கும். அருள் இருக்காது. ரிஷிகளும், பக்த சீலர்களும் இயற்றிய ஸம்ஸ்கிருத துதிகளை தமிழில் மொழி பெயர்த்தால் பொருள் இருக்கும்; புனிதம் இருக்காது. அதாவது இங்கே முக்கியத்துவம் மொழிக்கு அல்ல. ஒலிக்கு என்று வரிந்து கட்டிக் கொண்டு ஸம்ஸ்கிருதத்திற்காக எழுது கிறாரே - இது ஸம்ஸ்கிருத மொழி வெறியில்லையா?

தமிழ் வழிபாட்டு உரிமை பிரச்சி னையில் ஆனந்த விகடன் (8.11.1998) என்ன எழுதியது?

விலைவாசி உயர்வு போன்ற பல பிரச்னைகளில் சிக்கித் தவிக்கும் மக்களைத் திசை திருப்பும் பழைய வார்த்தைதான் என்று எழுதுகிறதே.

இந்து முன்னணி ராம கோபால அய்யர்வாள் என்ன பேசுகிறார்?

தமிழ் அர்ச்சனைனால் விலைவாசி குறைந்து விடுமா? (திருச்சியில் 15.11.1998)

காஞ்சி சங்கராச்சாரியாரும் இதே வார்த்தைகளை குமுதத்தில் பேட்டி யாகச் சொல்லுகிறார்.

தமிழ்- தமிழர் உணர்வு அடிப் படையில் எதைச் செய்தாலும் இவற் றால் விலைவாசி குறையுமா என்று கேட்கிறார்களே - திருப்பி நம்மால் கேட்கமுடியாதா? கோயில் கும்பா பிஷேகம் செய்கிறீர்களே, தேரோட்டம் நடத்துகிறீர்களே - நாள்தோறும் கோயில்களில் ஆறு கால பூஜைகள் நடத்துகிறீர்களே. தீபாவளி கொண் டாடச் சொல்லுகிறீர்களே. இவற்றால் விலைவாசி குறைந்து விடுமா? கேள்விக்கு என்ன பதில்?

இவர்கள் இருப்பது ஒரு புறம் இருக்கட்டும். எல்லாவற்றையும் முற்றும் து(தி)றந்த முனிவர் ஒருவர் இருந்தாரே காஞ்சி மடத்தில். அவர் என்ன சொன்னார் தெரியுமா?

சமஸ்கிருத பாஷை பிரம்மத்திற்குச் சமானம். அதாவது பரம் பொருளுக்குச் சமானம். பரம்பொருள் எங்கும் நிறைந்திருக்கிறது. அதற்கென்று ஒரு குறிப்பிட்ட பகுதியோ, தேசமோ கிடையாது. இதைத்தான் சர்வ வியா பகத்வம் என்பார்கள்.

உலகில் முதன் முதலில் தமிழ் மொழி தோன்றிற்று; அதுவும் அகத்தியரால் தோற்றுவிக்கப் பட்டது. பிறகுதான் ஸம்ஸ்கிருதம் வந்தது. அதுவும் கொஞ்ச நூற்றாண்டுகளுக்கு முன்புதான் பாணினி என்ற ஒருவர் இந்த சமஸ்கிருதத்திற்கு இலக்கண சாஸ்திரங்களை இயற்றினார். அது முதற் கொண்டுதான் அந்த மொழியும், பாஷையும் வளர்ச்சி ஏற்பட்டிருக்கும் என்று கூறுகிறார்கள். ஆனால் பாஷை சாஸ்திரம் (philology) என்று சொல்லக் கூடிய சாஸ்திரத்தில் சமஸ்கிருதந்தான் பண்டைய காலத்திலிருந்து வந்த ஒரு பாஷை என்று கூறப்பட்டுள்ளது.

(ஞான வழி, வானதி பதிப்பக வெளியீடு)

முற்றும் துறந்த முனிவருக்கே சமஸ்கிருதம் தனது தாய் மொழி என்னும் பார்ப்பன வெறி தலைக்கு மேல் வழிகிறது. இது மொழி நக்சலிசம் இல்லையா?

ஒரு கேள்வி: பிரம்மத்திற்குச் சமமான ஸம்ஸ்கிருதம் ஏன் செத்த மொழி ஆயிற்றாம்?

பார்ப்பனர்களைப் புரிந்து கொள்ள, எடை போட இன்னும் ஆதாரங்கள் தேவையா?

---- விடுதலை ஞாயிறு மலர்,22-10-2011 (மீண்டும்  சந்திப்போம்)

இந்தப் பாழாய்ப்போன தமிழர்களுக்கு இவையெல்லாம் தெரிவதில்லையே!

தனியார்த் தொலைக் காட்சி ஒன்றில், ஜனங்களே இல்லாத ஜனதா கட்சியின் தலைவரான சு.சாமியின் பேட்டி நேற்றிரவு நடைபெற்றது. அதனைக் கேட்டுத் தொலைக்கும் சந்தர்ப்பம் கிடைத்தது.

நறுக்கென்று ஒரு கேள்வி சுனையாகக் கேட்கப் பட்டது.

அய்க்கிய முற்போக்குக்கூட்டணி ஆட்சியில் ஊழல் நடந்திருப்பதாகக் கூறுகிறீர்களே - நீதிமன்றம் சென்றுள்ளீர்களே - ஊழல் ஒழிப்புதான் உங்கள் முக்கிய நோக்கமென்றால் பி.ஜே.பி. ஆட்சியில் ஊழலை எதிர்த்து நீங்கள் கிளம்பவில்லையே என்பது கேள்வி.
நியாயமான கேள்வி - நாணயமான முறையில் பதில் சொல்ல வேண்டாமா?

அது என் வேலையில்லை. எல்லாவற்றையும் நானேதான் செய்ய வேண்டுமா? ஏன் நீங்கள் செய்யக் கூடாதா? இன்று மத்தியில் உள்ள ஆட்சி நடவடிக்கை எடுக்க வேண்டியதுதானே? என்று ஆத்திரத்துடன், அதே நேரத்தில் கேள்வியின் கூர்மையைச் சமாளிக்க முடியாமல் தட்டுத் தடுமாறி பதில் சொல்ல முயற்சித்தார்.

இதன் மூலம் என்ன சொல்ல வருகிறார்? பி.ஜே.பி. யின் மீது ஊழல் புகார் தெரிவிக்க மாட்டேன். காங்கிரஸ் மீதுதான் ஊழல் பற்றிப் பேசுவேன் - வழக்குத் தொடுப்பேன் என்று சொல்லாமல் சொல்லிவிட்டாரா, இல்லையா? ஊழலுக்கு ஜாதி ஏது என்று வித்தாரம் பேசும் மேதாவிகள் இந்த இடத்தை மட்டும் கண்டு கொள்ள மாட்டார்கள்.

எங்கள் அப்பன் குதிருக்குள் இல்லை என்பது போல் இன்னொன்றையும் சம்பந்தமில்லாமல் உளறித் தொலைத்துவிட்டார்.

ஆர்.எஸ்.எஸ்., விசுவ ஹிந்து பரிஷத் அமைப்புகளின் தொண்டர்களைப் போல நல்லவர்களை, உண்மையான தொண்டர்களை வேறு எங்கும் பார்க்க முடியாது என்றும் தம் மனதில் உள்ளதைப் பூசி மெழுகாமலும் கூறிவிட்டார்.

செத்துப் போன பசுவின் தோலை உரித்த தாழ்த்தப் பட்டவர்களைப் படு கொலை செய்ய வேண்டும்.

மருத்துவமனையில் புகுந்து, அங்குப் பணியாற்றும் கிறித்துவ நர்சுகளை அடித்து உதைத்துப் பாலியல் வன்முறையில் ஈடுபடவேண்டும். பட்டப்பகலில் பகிரங்கமாக இன்னொரு மதக்காரர்களின் வழிபாட்டுத் தலத்தை இடித்து நொறுக்கவேண்டும்.

தொழுநோயாளி களுக்குத் தொண்டுகள் செய்து வந்த பாதிரியாரையும், அவர்தம் இரு மழலைச் செல்வங்களையும் கொடூரமான முறையில் எரித்துக் கொல்ல வேண்டும்.

முசுலீம் கர்ப்பிணிப் பெண்களின் குடலைக் கிழித்து மாலையாகப் போட்டுக் கொள்ள வேண்டும். அந்தக் கருவை இழுத்து நெருப்பில் போட்டு குரங்கு போல கூத்தாடவேண்டும். தேசப்பிதா என்று மக்களால் நம்பப்பட்ட தலைவரைப் படுகொலை செய்யவேண்டும்.

பசுவதைத் தடுப்பு என்ற பெயரில் பச்சைத் தமிழர் காமராசரைப் பட்டப் பகலில் இந்தியாவின் தலைநகரான டில்லியில் படுகொலை செய்ய துள்ளி எழ வேண்டும்.

இந்த ஆர்.எஸ்.எஸ்.காரர்களுக்கும், விசுவ ஹிந்து பரிஷத்காரர்களுக்கும் தான், இந்த சு.சாமி அடேயப்பா எப்படிப்பட்ட சர்டிபிகேட்டை தங்க முலாம் பூசி கொடுக்கிறார்.

அடுத்த கேள்வி. ஜெயலலிதா ஆட்சியைப் பற்றி என்ன நினைக்கிறீர்கள்?

சு.சாமி: கருணாநிதி ஆட்சியை விட நல்ல ஆட்சி.

அடுத்து கருணாநிதி வரக்கூடாது என்பதால் ஜெயலலிதா ஆட்சியை ஆதரிக்கிறேன்.

பார்ப்பனர்கள் - எவ்வளவு தெளிவாக இருக்கிறார்கள் பார்த்தீர்களா?

இந்தப் பாழாய்ப்போன தமிழர்களுக்கு இவையெல்லாம் தெரிவதில்லையே!

கொலைக் குற்ற வழக்கில் ஜாமீனில் திரியும் ஆசாமிகளையே லோகக்குரு, ஜெகத்குரு என்று சொல்லுவதில் கொஞ்சம் கூட வெட்கப்படுவதில்லையே! தயக்கம் காட்டுவதில்லையே! தன் புத்திக்குப் படாவிட்டாலும் எதிரிகளைப் பார்த்தாவது பாடம் படித்துக் கொள்ள வேண்டாமா நம் தமிழர்கள்?
-------------விடுதலை,17-10-2011

துக்ளக்கின் புரட்டுக்குப் பதிலடி! (14)...சட்டத்தை எரித்தது குற்றமா?

திராவிடர் கழகத்திலிருந்து வெளி யேறியவர்கள், வெளியேற்றப்பட்டவர் கள், ஒழுங்கு நடவடிக்கைக்கு ஆளான வர்களை யெல்லாம் தேடிப் பிடித்து அவர்கள் எல்லாம் தந்தை பெரியாரைப் பற்றி என்ன சொன்னார்கள் என்கிற வீண்வேலையில் திருவாளர் கே.சி.லட்சுமி நாராயண அய்யர்வாள் இறங்கி இருக்கிறார்.

க.. இராசாராம் திராவிடர் கழகத்தி லிருந்து விலகி, தி.மு.க.வுக்குச் சென்று,  அதன் பின் அதனை விட்டு அதிமுகவுக் குச் சென்று, நால்வர் அணியில் சங்கம மாகி, கடைசியில் தி.மு.க.வுக்கே வந்து - எல்லாவற்றையும் விட தந்தை பெரியார் அவர்களின் அடிப்படைப் பகுத்தறிவுக் கொள்கைக்கே விரோதமாக சங்கராச்சாரி ஜோதியில் கரைந்தவர். அவரையெல் லாம் இழுத்துக் கொண்டு வந்து இதோ பார் - இதில் இப்படி எழுதி இருக்கிறார் - அதோ பார், அதில் அப்படி எழுதி இருக்கிறார் என்று காட்டுவதெல்லாம் அசல் சிறுபிள்ளைத்தனமே!

பாம்பையும் பார்ப்பானையும் பார்த்தால், முதலில் பார்ப்பானை அடி! என்று தந்தை பெரியார் சொன்னாராம்.

எங்கே சொன்னார்? அப்படி சொன் னதாக எங்கே இருக்கிறது? ஆதாரம் காட்ட முடியுமா? இப்படிசொல்லி இருந்தால் அது பெரியாராகத்தானே இருக்கும் என்று குத்து மதிப்பில் எழுதி விடலாமா? அப்படி பெரியார் சொல்லி இருந்தால் ஒரு பார்ப்பான் மிஞ்சியிருக்க மாட்டானே!

தந்தை பெரியார் நடத்திய போராட் டங்களைப் பற்றி விமர்சிக்கப்பட்டுள் ளது. அதிலும் குழப்பம். சட்ட எரிப்புப் போராட்டம் - தேசியக் கொடி எரிப்புப் போராட்டம் - காந்தி பட எரிப்புப் போராட்டம்  இவையெல்லாம் _ ஜாதி ஒழிப்புக்காகப் பெரியார் நடத்திய போராட்டங்களாம்.

இந்தப் போராட்டங்களை பெரியார் அறிவித்து இருக்கிறார் என்பது மட்டும் செவி வழிச் செய்தியாக அறிந்திருக் கிறார்கள். அவ்வளவுதான். எந்தப் போராட்டம் எந்த நோக்கத்துக்காக என்பதில் கூட அடிப்படை அறிவு இல்லாமல் எழுதுகோல் பிடிக்கலாமா?

காந்தியாரின்மீது இன்று நேற்றல்ல - 1927 ஆம் ஆண்டிலேயே விமர்சனம் வைத்தவர் தந்தை பெரியார். 1927 ஆம் ஆண்டில் பெங்களூரில் சந்தித்து இரண்டு மணி நேரத்துக்கு மேல் நேருக்கு நேர் விவாதம் செய்து, காந்தி யாரின் வருணாசிரமக் கொள்கையைக் கடுமையாக எதிர்த்தவர்.

1927 முதல் 1931 வரையிலான குடிஅரசு இதழைப் புரட்டிப் பார்த்தால் காந்தி யார் எதிர்ப்பு அலை அனல் காற்றாக இருக்கும்.

வருணாசிரமக் காவலர் வருகிறார். பகிஷ்கரியுங்கள் என்ற  முழக்கங்கள் தமிழ் மண்ணைக் கலக்கின.

டாக்டர் ஏ. இராமசாமி முதலியார் அவர்கள் ஜஸ்டிஸ் ஏட்டில் (8-_9-_1927) காந்தியாரின் வருணாசிரமக் கொள்கையை எதிர்த்துத் தலையங்கமே தீட்டியுள்ளாரே! வருணாசிரம முறையைக் காப்பாற்றி இந்து மதத்தை நாற்றம் எடுக்கச் செய்கிறார் காந்தி என்று எழுதவில்லையா?

காந்தியார் பட எரிப்பு என்பது அறிவிப்பு நிலையிலே இருந்ததே தவிர அதனைத் தந்தை பெரியார் நடத்திட இல்லை.

இந்தியத் தேசியக் கொடி எரிப்புப் போராட்டம் (1_-8_-1955) என்பது ஜாதி ஒழிப்புப் போராட்டம் அல்ல - இந்தி யைக் கட்டாயமாகத் திணித்தது பற்றியதாகும்.

உங்கள் நண்பர் ஈ.வெ.ரா. நடத்த இருக்கும் தேசியக் கொடி எரிப்புப் போராட்டத்தை உங்கள் செல்வாக்கைப் பயன்படுத்தித் தடுக்கக் கூடாதா? என்று பிரதமர் நேரு கேட்டுக் கொண்டபோது கூட, ஈ.வெ.ரா. எனக்குத்தான் நண்பர், இந்திக்கு நண்பர் அல்ல என்று முதல் அமைச்சர் காமராசர் சொல்ல வில்லையா?

இந்தி திணிக்கப்படாது என்ற பிரதமரின் உறுதி மொழியை பிரதமர் சார்பில் முதல் அமைச்சர் காமராசர் அளித்ததன் காரணமாக, போராட் டத்தை ஒத்தி வைக்கிறேன் என்றுதான் தொலைநோக்கோடு தந்தை பெரியார் கூறினார் என்பதை நினைவூட்டுகிறோம்.

இந்திய அரசமைப்புச் சட்ட எரிப்புப் போராட்டம்  (26-11-1957) என்பது ஜாதி ஒழிப்புப் போராட்டமே!

இலட்சோப லட்ச மக்களை தஞ்சை யில் கூட்டி (ஜாதி ஒழிப்பு - தனி மாநாடு) அதில் எடுக்கப்பட்ட முடிவு அது! (3-11-1957)

ஒரு சுதந்திர நாட்டில் ஜாதியைப் பாதுகாக்கும் அரசமைப்புச் சட்டம் இருக்கலாமா? ஜாதி பாதுகாக்கப் படும் நாட்டில் சுதந்திரம் இருக்குமா? இந்தக் கேள்விக்கு என்ன பதில்?

இந்திய அரசமைப்புச் சட்டம் 13(2), 25 (1)29 (1) (2) 368 பிரிவுகளைச் சுட்டிக் காட்டி, அந்தப் பகுதிகள்தான் அச்சிட்டு எரிக்கப்பட்டன.

அம்பேத்கர் சொன்னார் பெரியார் செய்தார் சிலர் நான்தான் இந்த அரசியல் சட்டத்தை ஏற்படுத்தினேன் என்று சொல்கிறார்கள் நான்தான் அதை நெருப்பிலிட்டுப் பொசுக்கு வதற்கும் முதன்மையான வனாக இருப்பேன் நான் அதை முற்றிலும் வெறுக்கிறேன் என்று ஆந்திர மசோதா பற்றிய விலவும் மாநிலங்களவையில் நடந்தபோது (3.9.1953) டாக்டர் பி.ஆர். அம்பேத்கர் கூறினார். சட்டத்தை உருவாக்கியவரே சட்டத்தை எரிப்பேன் என்று சொல்ல வில்லையா? அம்பேத்கர் சொன்னார் _ பெரியார் செய்தார் இதில் என்ன குற்றம்? இன்னும் சொல்லப் போனால் இந்திய அரசமைப்புச் சட்டத்தை உருவாக்கிய காலத்திலேயே தேர்ந்தெடுக்கப்பட்ட உண்மையான மக்கள் பிரதிநிதிகளால் உருவாக்கப்படாத - மனுநீதியின் மறுபதிப்பு என்று கூறியவர் பெரியார்.

தந்தை பெரியார் இந்தப் போராட் டத்தை அறிவித்த கால கட்டத்தில், சட்டத்தை எரித்தால் என்ன தண் டனை என்று சட்டத்திலேயே  இல்லை!

அவசர அவசரமாக தமிழ்நாடு சட் டப் பேரவையில்  நிறைவேற்றப்பட்டது - தேசிய மரியாதை அவமதிப்புத் தடுப்புச் சட்டம்(Prevention of Insult to National Honour Act,1957)  என்று பெயர். அதன்படி மூன்று ஆண்டுகள் வரை சிறைத் தண்டனை அளிக்கப் படலாம்.

தந்தை பெரியார் தயங்கினாரா? கருஞ்சட்டைச் சிங்கக் கூட்டம் அஞ்சியதா - பதுங்கியதா?

சிறைக்கஞ்சா சிங்கம் பெரியார் அவர்களின் கர்ச்சனை அறிக்கை இதோ:

நான் மூன்று ஆண்டுக்கோ, பத்து ஆண்டுக்கோ, நாடு கடத்தலுக்கோ, தூக்குக்கோ மற்றும் பிரிட்டீஷ்காரன் காங்கிரஸ் கிளர்ச்சியின்மீது கையாண்ட எந்தவிதமான கொடிய, தீவிரமான அடக்கு முறைகளை நம் மீதும், கழகத்தின் மீதும் பிரயோகித்தாலும் கூட, அவைகளுக்குப் பயன்பட்டு என் லட்சியத்தையோ, திட்டத் தையோ மாற்றிக் கொள்ளப் போவ தில்லை. நீங்கள் 3 ஆண்டு தண்டனைக்குப் பயந்துவிட வேண்டியதில்லை. பயந்து விடமாட்டீர்கள்.சட்டத்தைப் பார்த்து பயந்து விட்டதாகப் பேர் வாங்காதீர்கள்.

ஆகவே இப்படிப்பட்டவர்கள் தஞ்சை மாநாட்டுத் தீர்மானத்தை நிறைவேற்ற பெயர் கொடுங்கள்.

-  (ஈ.வெ.ரா. விடுதமலை 8-11-1957)

எதிர்த்துக்கூட வழக்காட வில்லையே - வேண்டாம் என்றாரே வெண்தாடி வேந்தர்.  ஆச்சாரியார் போல ஆகஸ்டு போராட்டத்தில் அண்டர்கிரவுண்ட் ஆகவில்லையே!
நீதிமன்றத்தில் என்ன அறிக்கை கொடுப்பது? அதுகூட முன்கூட்டியே

தீர்மானிக்கப்பட்டதே. இதோ அந்த அறிக்கை:

26ந் தேதி கிளர்ச்சியில்
நீதிமன்றத்தில் கூறவேண்டியது
மேன்மை தங்கிய   . . . . . . . . . . கோர்ட்டார் அவர்கள் சமூகத்திற்கு
வாதி:        (போலீசார்)

எதிரி:
வழக்கு எண்: / 57

சமூகம் கோர்ட்டில் எதிரி வாசித்துக் கொடுக்கும் ஸ்டேட்மெண்ட்:

நான் சாதி ஒழிப்புக் கிளர்ச்சிக் காரன். இந்திய அரசியல் சட்டத்தில் சாதிக்கும் அதை உண்டாக்கிய மதத்துக் கும் பாதுகாப்பு அளிக்கப்பட்டிருக்கிறது. அரசியல் சட்டம் தமிழர் நலனுக்காக வகுக்கப்படவில்லை. அச்சட்டத்தை, திருத்தக்கூடிய வசதி தமிழர்களுக்கு இல்லை.

ஆதலால் என் எதிர்ப்பைக் காட்டிக் கொள்ளும் அறிகுறியாக இச்சட்டத் தைக் கொளுத்தினேன். இப்படிக் கொளுத்துவதற்கு எனக்கு உரிமை யுண்டு. இதனால் எந்த உயிருக்கும் பொருளுக்கும் சேதமில்லை. ஆதலால் நான் குற்றவாளியல்ல. இந்த நீதிமன்ற நடவடிக்கையில் நான் கலந்து கொள்ள விரும்பவில்லை. நான் எதிர்வழக்காட விரும்பவில்லை. நான் குற்றவாளி என்று கருதப்பட்டால்அதற்குரிய தண்டனையை மகிழ்ச்சியுடன் ஏற்றுக் கொள்ளத் தயாராயிருக்கிறேன்.
இடம்:

தேதி:    எதிரியின் கையெழுத்து
(விடுதலை 26-111957)

இப்படி ஒரு இயக்கம் உண்டா?

கர்ப்பிணிப் பெண்கள்கூட ஜாதி ஒழிப்புக்காகச் சிறைக் கோட்டம் ஏகினரே! சிறையில் பிறந்த குழந்தைக் குச் சிறைப் பறவை என்றுகூட பெயர் சூட்டப் பட்டதே!

சிறுமிகளும் தண்டனையிலிருந்து தப்பவில்லையே! நீடாமங்கலம் பிரபசர் கே.ஆர்.குமார் அவர்களின் மகள் செல்விக்கு இரண்டாண்டு தண்டனை. சென்னையில் உள்ள மைனர் பெண்கள் சிறைக்கு அனுப்பப்பட்டனரே!

கலியபெருமாள், கோவிந்தசாமி ஆகிய இரு சிறுவர்களும்  தண்டனை பெற்று நெல்லை மற்றும் செங்கற்பட்டு சிறுவர் சிறைகளுக்கு அனுப்பப்பட் டார்களே!

நேரு மாமா 3 ஆண்டு தண்டனை கொடுக்கச் சொல்லியிருக்கிறார்.  ஏன் நீதிபதி மாமா ஆறு மாதம் தண்டனை கொடுத்துள்ளீர்கள்? என்று நீதிபதியைப் பார்த்துக் கேட்ட இளைஞன் - கருஞ் சட்டைக்காரன் என்று நினைக்கும் பொழுது இப்பொழுது நினைத்தால்கூட உணர்வுகள் எல்லாம் சிலிர்க் கின்றனவே. இந்தப் போராட்டம் பற்றி ஜீவா அப்படி சொன்னார். இப்படி சொன்னார் என்பதெல்லாம் கவைக்கு தவாத ஒன்று.

ஜாதிக்கு ஆதாரமாக இருக்கிறது அரசமைப்புச் சட்டம். அதனைத் திருத்து. இன்றேல் அதற்குத் தீதான் என் பது புரட்சிகரமான சிந்தனைதானே! ஜீவா குறை கூறியிருந்தாலும் குற்றம் குற்றம்தான்.

பகுத்தறிவின் சிகரம் பெரியார் ஈ.வெ.ரா. எனும் நூலை  தோழர் ஏ.எஸ்.கே. எழுதியுள்ளார். அந்நூலில் ஓரிடத்தில் (என்னுரை பகுதியில்) குறிப்பிடுகிறார்.

பெரியார் ஈ.வெ.ரா. அவர்கள் பல தடவை என்னிடம் கூறியுள்ளார்:

"நீங்கள் செய்யவேண்டிய வேலைகளை நான் செய்து வருகிறேன். அப்படி இருக்க ஏன் திரு . . . .  என்னைத் தாக்கிக் கொண்டே இருக்கிறார்? அதாவது, கடவுள் எதிர்ப்பு, ஜாதிப் பிரிவினை, தீண்டாமை, சமுதாயக் கொடுமை, இவை எல்லாவற்றையும் எதிர்ப்பது கம்யூனிஸ்டுக் கட்சியின் வேலையல்லவா? நான் அந்த வேலையைச் செய்து வருகிறேன். அவ்வாறிருக்க, கம்யூனிஸ்டுக் கட்சி என்னை எதிர்ப்பதேன்? என்று பெரியார் அவர்கள் என்னிடம் விநயமாகவும், உருக்கமாகவும், பன்முறை கேட்டு வந்துள்ளார். இது முற்றிலும் உண்மை.பெரியார்  அவர்களைப் பற்றிச் சரியான கணிப்பு பல தோழர்களுக்கு இல்லை என்பதுதான் என் கருத்து. இந்நூலை எழுதுவதற்கு இதுவும் ஒரு முக்கிய காரணம்.

தோழர் ஏ.எஸ்.கே.யின் இந்தப் பதில் தோழர் ஜீவாவுக்குப் பொருந்தும்தானே`!

ஜாதிகளை ஒழிக்க ஒரு போராட்டம் நடத்தப் போவதாக அவர் (ஈ.வெ.ரா.) திடீரென்று அறிவித்தார். 1957 ஆம் வருட ஆரம்பத்தில் நடந்த தேர்தலில் காமராஜ் தலைமையிலான காங்கிரசை ஆதரித்துத் தீவிரமாகப் பிரச்சாரம் செய்த ஈ.வெ.ரா. அதே காமராஜின் காங்கிரஸ் ஆட்சிக்கு எதிராக 1957 நவம்பர் மாதத்தல் ஜாதி ஒழிப்புப் போராட்டம் என்ற ஒரு கிளர்ச்சியை ஆரம்பித்தார் என்று துக்ளக் (19-_-10_-2011) சொல்லுகிறது.

ஒன்றைக் கூட உருப்படியாகத் தெரிந்து கொள்ளாமல் அரை குறையாக எழுதும் அரை வேக்காட்டுக் கவிச்சி தான் வீசுகிறது.

இந்தப் போராட்டம் இந்திய அரசமைப்புச் சட்டத்தில் ஜாதியைப் பாதுகாக்கும் பகுதியை எரிப்பதுதானே தவிர காமராசருக்கு எதிரானதல்ல. அதனைப் போராட்டம் நடைபெறுவ தற்கு முன்பே தந்தை பெரியார் தெளிவு படுத்திவிட்டாரே!

பொதுமக்கள் சட்ட எரிப்புப் போராட்டத்துக்காக இன்றைய மந்திரிசபையையோ குறிப்பாக திரு. காமராசரிடமோ எந்த விதமான அதிருப்தியும் காட்டவோ கொள்ளவோ வேண்டியதில்லை.(விடுதலை 6-_11-_1957) என்று தெளிவுபடுத்தியுள்ள நிலையில் காமராசருக்கு எதிராக இந்தப் போராட்டத்தை பெரியார் நடத்தினார் என்று எழுதுவது விஷமத்தனம் அல்லது பூணூல்தனம்தானே! இந்தப் போராட்டம் நடத்தப்பட்டு மூன்று ஆண்டுகள் வரை கடும் தண்டனையைப் பல்லாயிரம் கருஞ்சட்டைத் தொண்டர் கள் குடும்பம், குடும்பமாக அனுபவித்த நிலையிலும் - 20 பேர் இன்னுயிரை நீத்த பிறகும், அடுத்தடுத்து வந்த 1962 மற்றும் 1967 பொதுத் தேர்தலிலும் காமராசரைத் தானே ஆதரித்தார் தந்தை பெரியார். விவரம் புரியாமல் கிறுக்க வேண்டாம்.

தேசிய கவுரவ அவமதிப்புத் தடுப்பு மசோதா, தமிழ்நாடு சட்டப் பேரவை யில் 11-_11_-1957 அன்று விவாதிக்கப்பட்ட போது, அண்ணாதுரை நேற்றைக்குப் பெரியாரின் பேருதவியைப் பெற்றீர்கள். இன்றைக்கு அவரைப் பிடித்து அடைக் கத் துடிக்கிறீர்களே என்று கேட்டதாக தி.மு.க. நாளிதழான நம் நாடு (17_-11_-1957) தெரிவித்தது.

ஈ.வெ.ரா. தேர்தலில் காங்கிரசுக்காகப் பிரச்சார உதவி செய்தாராம். அந்த உதவியைக் காமராசரும், காங்கிரசாரும் பெற்றுக் கொண்டார்களாம். இப்போது காமராசர் மீண்டும் முதல் அமைச்சர் பதவியில் அமர்ந்து விட்டதும் ஈ.வெ.ரா.வைக் கைது செய்து சிறையில் அடைக்கத் துடித்தாராம்! இவ்வாறு சட்டப் பேரவையில் அண்ணாதுரை பேசினார். அமைச்சர் சுப்பிரமணியம் அவருக்கு உடனடியாகச் சுடச்சுடப் பதில் அளித்தார்.

அண்ணாதுரை வளர்ந்துவிட்டாரே, நம்மிடம் ஒட்டிக் கொண்டிருந்தவர் இப்போது ஒரு கட்சியின் தலைவராகி விட்டாரே, கட்சி உறுப்பினர்களோடு தேர்தலில் நிற்கிறாரே என வயிற்றெரிச் சலோடு, அண்ணாதுரையை வீழ்த்துவ தற்காகத்தான் தேர்தலில் ஈ.வெ.ரா. தாமாக முன்வந்து காங்கிரசை ஆதரித் தார். நாங்கள் அவரது ஆதரவைக் கோரவில்லை. இதைத் தேர்தலின் போதே நான் தெரிவித்திருக்கிறேன் என்று சுப்பிரமணியம் பதில் அளித்தார்.

அண்ணாதுரை வாய் மூடி மவுனமாக அமர நேர்ந்தது என்கிறார் கே.சி. லட்சுமி நாராயண அய்யர்

(துக்ளக் 9-_10-_2011)

பெரியார் மீது சி.சுப்பிரமணியத் துக்குக் கோபம் இருப்பது புரிந்து கொள்ளப்படக் கூடியதாகும். ராஜாஜி அமைச்சரவையில் கல்வி அமைச்சராக இருந்து குலக் கல்வி திட்டத்துக்குக் கையொப்பம்போட்டவரும் அவரே! காமராசர் முதல் அமைச்சர் ஆன நிலையிலும் கல்வி அமைச்சராக இருந்து, அந்தக் கல்வித் திட்டத்தை ஊற்றி மூடு வதற்கும் கையொப்பம் போட்டவரும் அவரே!  அவ்வளவு  அறிவு நாணயஸ்தர்அவர்.

அதனை திராவிடர் கழகம் விமர்சித்ததுண்டு. ஆச்சாரியார் பதவி விலகி காமராசர் முதல் அமைச்சர் பதவிக்குப் போட்டியிட்ட போது ராஜாஜியின் வாலாய் காமராசரை எதிர்த்து நின்ற நிலையில்  பெரியாரின் ஆதரவோடு காமராசர் வெற்றி பெற்றாரே -ஆத்திரம் இருக்காதா சி.சு.வுக்கு?

தந்தை பெரியார் குலக்கல்வித் திட்டத்தை எதிர்த்ததும், காமராசர் முதல் அமைச்சராக வரவேண்டும் என்று தெரிவித்து, அதற்கு ஆதரவுக் கரம் நீட்டியதும் காமராசரைக் கல்வி வள்ளல் என்றும் பச்சைத் தமிழர் என்றும், புகழாரம்சூட்டியதெல்லாம் தி.மு.க.வையும், அண்ணாவையும் நினைத்துத்தானா?

சி.சு. உதிர்த்த அந்தச் சிறுபிள்ளைத் தனக் காய்களை எடுத்து சப்பரம் கட்டுகிறது துக்ளக்!

சி.சுப்பிரமணியம் கூற்றுக்கும், அதனை எடுத்துக் காட்டி துக்ளக் சிலம்பம் விளையாடுவதற்கும் பதிலடி கொடுக்க விடுதலை ஏடு தேவை யில்லை. அப்பொழுது அவாள் ஆத்து கல்கியே பதிலடி கொடுத்துவிட்டதே!  இதோ கல்கி பேசுகிறது:

திராவிடர் கழகத் தலைவர் திரு. ஈ.வெ.ரா. திரு. காமராசரை ஆதரிப் பதற்குக் காரணம் திரு.அண்ணாத் துரைதானென்றும், நம்மக் கிட்ட வளர்ந்த பையன், இவன்தலைவனாவ தாவது, கட்சியமைத்துச் சட்ட சபைக்குப் போவதாவது? இவன் கட்சி ஆட்கள்அதிகம் ஜெயித்தால் என்ன ஆவது? என்று யோசித்து இவர்களைத் தோற்கடிக்கக் காமராஜ்தான் சரியான ஆள் என்று நினைத்து அவரை ஆதரிப்பதாகப் பேசி வருகிறார். இவ்வாறு சி.சுப்பிரமணியம் சட்ட சபையில் கூறினார்.

திரு.சி.சுப்பிரமணியம் மக்களின் ஞாபகசக்தியில் நம்பிக்கையில் லாததனால்தான் இப்படிப் பேசி யிருக்கிறார். தி.மு.கழகமோ, அண்ணாத் துரையோ சட்டசபைப் பிரவேசத்தைப் பற்றிக் கனவில் கூட நினைக்காத போதிலிருந்தே திரு.ஈ.வெ.ரா. திரு. காமராசரை ஆதரித்து வந்தார். திரு. காமராஜ் முதன் மந்திரியானதிலிருந்தே ஆதரித்து வந்திருக்கிறார். பச்சைத் தமிழன் ஆட்சி நடைபெறுகிறது என்று பெருமிதம் அடைந்தார். குடியாத்தம் உபதேர்தலில் திரு. காமராசரை ஆதரித்துப் பேசினார்.

ஆதரிப்பதற்கு உண்மைக் காரணம் ஒரு சாதியாரைப் பற்றிய வெறுப்பே. அதை மறைப்பதில் பயனில்லை. மேலிடத்தார் வற்புறுத்தலுக்காக, ஈ.வெ.ரா. வின் பெயரில் நடவடிக்கை எடுத்தாலும் அதை முழு மனதுடன் எவ்வளவு தூரம் அமுல் நடத்துவார்கள் என்பதைப் பார்க்க வேண்டும்.

(கல்கி _ 10_-11_-1957)

துக்ளக்குக்கு அவாள் ஆத்து கல்கி சவுக்கடி கொடுத்தால்தானே இதமாக இருக்கும்.
நாங்கள் பெரியாரை ஆதரவு கேட்க வில்லை; அவராகத்தான் காங்கிரசை ஆதரித்தார் என்கிறார் சி.சு. இது போன்ற வார்த்தை காமராசர் வாயி லிருந்து வருமா?

பெயரியார் நினைப்பதை நான் செய்கிறேன் என்றவராயிற்றே காம ராசர். கல்வி வளர்ச்சிக்குக் காரணம் பெரியார்; காரியம் _ -காமராசர் என்று ஆனந்தவிகடன் எழுதவில்லையா? பெரியார் என்ற குயில் கொள்கை முட்டையிட, அதனைக் காமராசர் என்ற காகம் அடைகாக்கிறது என்று கல்கி கார்ட்டூன் போட்டதே - இவை யெல்லாம் துக்ளக் எழுத்தாளருக்குத் தெரியாதோ! சி.சு.வைத் தூக்கிச் சுமந்தால் இந்தக் கெதிதான்!

குடுமிகளை வெட்டுதல், பூணூல் களை அறுத்தல் போன்றவை கழகத் தலைமை திட்டமிட்டு, ஆணையிட்டு இயக்க ரீதியாகச் செயல்படுத்தப்பட்ட வையல்ல. மற்றவர்களை இழிவு படுத்தும் இந்த ஜாதி ஆதிக்கச் சின்னங்களை தன்மான உணர்வோடு எங்காவது சிதைத்திருந்தால் அது ஒன்றும் குற்றமும் ஆகாது.

முஸ்தபா கமால்பாட்ஷா இத்தகு சீர்திருத்தங்களைச் செய்தவர்தான் - அதற்காக அவரை வரலாறு போற்றிட வில்லையா?

சுடுகாட்டில் கூட சூத்திரர்கள் பகுதி என்று பொறித்திருந்தால் அதனைப் பொறுத்துக் கொண்டு இருக்க வேண்டிய அவசியமும் இல்லை. சூத்தி ரன் என்றால் ஆத்திரம் கொண்டடி என்று சொல்லுவது எப்படிவன்முறை யாகும்?

-   இன்னும் உண்டு.
----------------- கலி.பூங்குன்றன், விடுதலை ஞாயிறு மலர் 15-10-2011,

துக்ளக்கின் புரட்டுக்குப் பதிலடி! (13) சூத்திரன் கல்விக் கண்ணைக் குத்திய சூத்ரதாரி!

ராஜாஜிதான் நாட்டுக்குப் பெருந்தொண்டு ஆற்றியது போலவும், அவர்தான் தலைசிறந்த அறிவாளி போலவும் அவர் போல ஆளப் பிறந்தவர்கள் வேறு யாரும் இலர் என்பது போலவும், ஊடகங்களின் மூலம் காற்றடித்து ஊதிப் பெரிய பிம்பமாகக் காட்டத் துடிக்கின்றனர்.

அரசியல்வாதியான அவர் ஒரு முறை கூட தேர்தலில் நின்று, மக்களைச் சந்தித்து, வாக்குகளைப் பெற்று வெற்றி பெற்று, ஆட்சிக் கட்டிலில் அமர்ந்திடும் செல்வாக்குப் பெற்ற தலைவராக இருந்ததில்லை.

கொல்லைப் புறமாக பதவி நாற் காலியைப் பிடித்த அவர் முழு காலமும் ஆட்சி செய்யும் திறமை உடையவ ராகவும் இருந்ததில்லை.

தன் ஆட்சித் திறனைப் பற்றி அவரே கூட வாக்குமூலம் கொடுத்துள்ளார்.

நாடாள எனக்குத் தெரியாது!

நாங்கள் கஷ்டமான வேலையை மேல்போட்டுக் கொண்டிருப்பதை நீங்கள் அறிவீர்கள். தேச நிர்வாக அனுபவம் எனக்குக் கிடையாது. கோர்ட்டில் கேசு நடத்திட எனக்குக் கொஞ்சம் அனுபவம் உண்டு. அந்த அனுபவம் தேச நிர்வாகத்துக்கு உதவி புரியாது. ஒரு கட்சிக்காகப் பரிந்து பேசும் வழக்கம் நிர்வாக விஷயத்தில் பிரயோஜனப்படாது. 20 ஆண்டுகள் என் வக்கீல் தொழில் அனுபவம் எனக்கு இப்பொழுது பிரயோஜனப்படவில்லை.

அந்தப் பழக்கம் என் வேலைக்குத் தடையாக நிற்கிறது. ஒரு கட்சியில் சேர்ந்து கொண்டு ஓயாமல் பேசுவது எனது வாடிக்கையாகிவிட்டது. தேச நிர்வாகத்திற்கு நான் ஜவாப்தாரியாக இருக்கும்வரை அந்த வாடிக்கையை ஒழிக்க வேண்டியதுதான் (அனந்தப்பூரில் 12-7-1938 -இல் ராஜாஜி பேசியது).

இதற்கு எந்தவித பதவுரை பொழிப் புரை தேவைப் படாது. தன்னிலை விளக்கமே கொடுத்துவிட்டார் காந்தி யாரின் சம்பந்தி.

இப்படிப்பட்டவரைத்தான் அக்கிரகாரம் தலையில் தூக்கி வைத்துக் கொண்டு ஆடுகிறது.

ஆட்சித் திறன் இல்லாவிட்டாலும் இரண்டு முறை அவர் ஆட்சிக்கு வந்த போதெல்லாம் பார்ப்பனீயத்துக்குப் பால் வார்த்தார். பார்ப்பனர்களின் ஆதிக்கபுரியாக ஆட்சியை நடத்தினார்.

1937-38 அமைச்சரவையில் மொத்தம் 10 பேர் அமைச்சர்கள் என்றால் அதில் 4 பேர் பார்ப்பனர்கள். 3 சதவிகிதத்தி னருக்கு 40 சதவிகித இடங்கள். 1952_54 இல் முதல் அமைச்சராக வந்தபோது மொத்தம் 13 பேர்களில் 3 பேர் பார்ப்பனர்கள். 3 சதவிகித பார்ப்பனர்களுக்கு 24 சதவிகித இடங்கள் அமைச்சரவையில்.

1937_-39 இல் பிரதம அமைச்சராக இருந்தபோது 2500 தொடக்கப் பள்ளிகளை இழுத்து மூடினார். மது விலக்கினை அமல்படுத்தியதால் ஏற்பட்ட வருவாய் இழப்பை ஈடு செய்யவே பள்ளிகளை மூடுவதாகக் கார ணம் சொன்னார். தென்னை மரத்தில் ஏன் ஏறினாய் என்று ஒரு திருடனைக் கேட்டபோது புல் பிடுங்க ஏறினேன் என்று சொன்னானாம். அந்தக் கதையாக அல்லவா இது இருக்கின்றது. ஆச்சாரியாரின் இந்தச் சூழ்ச்சியை விளக்கி மது விலக்கின் இரகசியம் என்று குடிஅரசு இதழில் (24-10-1937) தந்தை பெரியார் எழுதினார் என்பது குறிப்பிடத்தக்கதாகும்.

1937-_39 கால கட்டத்தில் இருந்த பள்ளிகளின் எண்ணிக்கையே குறைவு.

அந்த நேரத்தில் 2500 தொடக்கப் பள்ளிகளை மூடுகிறவர்க்குப் பெயர் தான் மூதறிஞரா? நிதியைக் காரணம் காட்டி பள்ளிகளை மூடிய ஆச்சாரி யார் பார்ப் பனர்கள் படிக்க பல லட்சம் ரூபாய் செலவு செய்து சமஸ்கிருதக் கல்லூரியைத் திறந்தாரே!

நீதிக்கட்சியின் ஆட்சியின்போது ஏ.பி.பாத்ரோ அவர்களால் செயல்படுத் தப்பட்ட இலவசக் கல்வித் திட்டத்தை நிறுத்தினார். சேலம் ஜில்லா போர்டார் தங்கள் வட்டாரத்தில் அனைவருக்கும் கட்டாய மாக கல்வி கற்பிக்கப்பட வேண்டும் என்பதற்காக ரூ 13,500 தொகையை ஒதுக்கி இருந்தார்கள். அதற்கான அனுமதியையும் அரசிடம் கேட்டார்கள். பிரதம அமைச்சர் ஆச் சாரியார் என்ன செய்தார் தெரியுமா?

நிதிநிலை இடம் தராது. அதனால் அனுமதி அளிக்க முடியாது என்று ஒரு வரியில் பதில் எழுதிவிட்டார்.

எல்லா செலவினங்களையும் கணக் கிட்டுதான் இந்தத் தொகையை கல்விக்காக ஒதுக்கி உள்ளோம் என்று மறுபடியும் அரசுக்கு எழுதினர். அந்த முறையீட்டையும் குப்பைக் கூடையில் வீசி எறிந்தார்.

ஈரோடு நகராட்சியார் வீட்டு வரியைக் குறைத்துக் கொள்ள நூற்றுக்கு 2 ரூபாய் - வரவு செலவுகளை சரிக் கட்டக் கொடுத்து அரசிடம் அனுமதி கேட்டனர் . மனுவாதி ஆச்சாரியார் என்ன பதில் எழுதினார்? வீட்டு வரியைக் குறைக்க முடியாது; வேண்டுமானால் கல்வி வரியைக் குறைத்துக் கொள்ளலாம் என்று பதில் எழுதினார்.

கல்வி ஒழிப்புக் கைங்கர்யத்தில் கைதேர்ந்தவர் இந்த ஆச்சாரியார்.

கிராமங்களில் இருந்து வந்த 60 பிள்ளைகளுக்கு குறைந்த மத்திய தர இங்கிலீஷ் பள்ளிகளும் 60 பிள்ளை களுக்குக் குறைந்த உயர்தர இங்கிலீஷ் பள்ளிகளும் ரத்து செய்யப்பட வேண்டும் என்று ஆணை பிறப்பித்தார்.

நீதிக்கட்சி ஆட்சிக் காலத்தில் கோயம்புத்தூரில் தொடங்கப்பட்ட காட்டுத்துறைக் கல்லூரியை (Forest College) இழுத்து மூடினார்.

நம் பிள்ளைகள் படிப்பதைத் தடுக்க பள்ளிக் கல்வி சம்பளத்தை ((Tuition Fees) உயர்த்தினார். முசுலிம்கள், கிறித் தவர்கள், தாழ்த்தப்பட்டோர் பெற்று வந்த உதவித் தொகையையும் (Stipend) நிறுத்தினார்.

ஏழு வயதானால்தான் பள்ளியில் சேரமுடியும் என்றார். பாடங்கள் ஏதாவது ஒரு கைத்தொழிலை அனுசரித் ததாக இருக்க வேண்டும் என்றார். அதன் மூலம் வரும்படி வருமாறு செய்து, அந்த வருமானத்தின் மூலமே பள்ளிக் கூடங்கள் நடத்த வேண்டும் என்றார்.

வகுப்புவாரி பிரதிநிதித்துவ முறையையொட்டி தமிழர்களாகிய நமது பிள்ளைகள் கல்லூரிகளில் நுழைவதற் காக நீதிக்கட்சி ஆட்சியின்போது அறிமுகப் படுத்தப்பட்ட மாணவர்கள் சேர்க்கைக்குழுவினை (College Selection Committee) ஒழித்துக் கட்டினார் ஆச்சாரியார். நேர்முகத் தேர்வுக்கு இருந்து வந்த 150 மதிப்பெண்களை 50 ஆகக் குறைத்த புண்ணியவான் இந்த ராஜாஜிதான்.

சூத்திரர்களுக்கு எதைக் கொடுத் தாலும் கல்வியைக் கொடுக்கக்கூடாது என்பதிலே கண்குத்திப் பாம்பாக, கண்களில் விளக்கெண்ணெய் போட்டுக் கொண்டு சதா அதே சிந்தனையிலும், செயலிலுமாக இருந்தார் என்பதுதான் சுருக்கமான கணிப்பாக இருக்க முடியும்.

இந்த அணுகுமுறைதான் தமக்கு நெருக்கமான நண்பராக இருந்த ஆச்சாரியாரை - வீழ்த்தும் நிலைக்கு தந்தை பெரியாரை வேகமாகத் தள்ளிவிட்டது. காமராசரைப் பச்சைத் தமிழராகப் பெரியார் ஆக்கியதும் இந்த அஸ்திவாரத்தின் மீதுதான்.

காமராசரை ஒரு காலகட்டத்தில் கருப்புக் காக்கை என்று சொல்லி, கல்லால் அடித்துக் கொல்ல வேண்டும் என்று ஆச்சாரியார் நிதானத்தை முற்றிலும் இழந்த ஆத்திரத்தின் புயலாக, அக்கிரகாரத்தின் அக்னிக் குழம்பாகச் சீறி எழுந்தவர். சூத்திரர், பஞ்சம மக்களின் கல்விக் கண்களைப் பிடுங்குவதற்கு நாம் போட்ட திட்டத்தையெல்லாம் இந்த நாயக்கரும், நாடாரும் கெடுத்துக் குட்டிச்சுவராக்கி விட்டார்களே என்ற ஆத்திரத்தில் காந்தாரி போல வயிற்றில் குத்திக் கொண்டார். அவரின் வாரிசுகள் தான் இந்த லட்சுமிநாராயணன், சோ ராமசாமி, குருமூர்த்தி கம்பெனிகள் - வகையறாக்கள்!

அரசுப் பணிகளை வழங்குவதிலும் ஆச்சாரியார் எப்படியெல்லாம் அப்பட் டமாக பூணூல் புத்திரராக சண்ட மாருதம் செய்தார் என்பதை அளந்து கொட்ட ஏடுகளும் போதாது - எழுத்தாணிகளாலும் ஆகாது!

உடல் நோயைத் தெரிந்து கொள் வதற்கு ஒரு துளி ரத்தத்தைத்தானே குத்தி எடுக்கிறார்கள். இதோ சில துளிகள். (தனியே பெட்டி செய்தி 6ஆம் பக்கம் காண்க). பார்ப்பனர்களுக்குப் பதவிகளை வாரி வழங்கும் வங்காளக் குடாக் கடலாக ஆச்சாரியார் இருக் கிறாரே, அவரின் அணுகுமுறை எப்படி இருக்கும்?

இந்த இடத்தில்தான் அவருக்குரிய வக்கீல் புத்தி வகை துகையாக, வாட்ட சாட்டமாக உதவி புரிந்திருக்கிறது!

பார்ப்பனர் ஒருவரை ஒரு பதவிக்கு நியமிக்க வேண்டும் என்றால் ராஜாஜி எந்த அணுகுமுறையை மேற்கொள்வார்?

ராஜாஜியின் ஆப்த நண்பரான பெரியார் அவர்களை விட்டே பதில் சொல்ல வைப்போம்.

இதோ ஒரு தமிழனுக்கு டாக்டர் தாயுமானசாமி டைரெக்டர் ஆஃப் பப்ளிக் ஹெல்த் (இயக்குநர், மக்கள் நலவாழ்வு) உத்தியோகம் போட்ட தற்குச் சுதேசமித்திரன் (நாளிதழ்) மிரட்டுகிறான். இப்போது நீ சந்தோஷப் படலாம்.

அவர்கள் கைக்கு அதிகாரம் வந்தால் உங்களை ஒழித்துக் கட்டிவிடுவோம் என்கிறானே? காம ராசர் இதில் அக்கிரமாகக் குறுக்கிட் டிருக்கிறார் என்கிறான்; என்ன அக்கிர மமான குறுக்கீடு? முன்பு ராஜகோ பாலாச்சாரியார் காலத்தில் ஒரு பப்ளிக் பிராசிகியூட்டர் (அரசு வழக்குரைஞர்) நியமிக்க வேண்டியிருந்தது! திருச்சி கைலை அனந்தரை கலெக்டர் (மாவட்ட ஆட்சியர்) சிபாரிசு செய்து அனுப் பினார்.

இவர் 100-க்கு இத்தனை கிரிமினல் கேஸ்களில் (வழக்குகளில்) ஆஜராகி இருக்கிறார்.

ஆகையால் இவரைத் தவிர தகுதி உடையவர் யாரும் இல்லை என்று எழுதினார். ராஜாஜி அதைத் தூக்கி எறிந்துவிட்டு வேறொருவரை நியமித்துவிட்டார்! சட்டசபையில் கேள்வி வந்தது. அப்போது சொன்னார், தகுதி இருந்தால் போதுமா? சர்க்கார் (அரசு) தனக்கு நம்பிக்கையான வரைத்தானே நியமிக்கும்? உனக்கு ஒரு வக்கீல் வேண்டுமானால், உனக்கு நம்பிக்கையானவரைப் பார்ப்பாயா? இல்லை இவன் கெட்டிக்காரன் என்பதற்காக அவனிடம் போவாயா? என்றார்.

மேலும், ஏதாவது கேட்டால் கைலை அனந்தர் எதற்கும் லாயக்கில்லை என்றாகிவிடும். வாயை மூடிக்கொள் என்றார். இது போல ஒரு பார்ப்பானுக்கு வேலை வர வேண்டு மென்றால் தகுதி முக்கியமல்ல. நம்பிக்கைதான் முக்கியம் என்கிறார்கள். அந்த வேலை நமது ஆளுக்குக் கிடைப்பதாயிருந்தால் தகுதிதான் முக்கியம் என்கிறார்கள். இவற்றை யெல்லாம் நீங்கள் யோசிக்க வேண்டும்.

(21-9-1957 சேலத்தில் தந்தை பெரியார் சொற்பொழிவு: விடுதலை 12-10-1957)

இதன் பொருள் என்ன? பார்ப்பனர் ஒருவர் பார்ப்பனர் அல்லாத ஒருவர் போட்டிக்கு வந்தால் அந்தப் பார்ப் பான் தகுதி உள்ளவர் அதனால் பார்ப் பனரை நியமிக்கிறேன் என்பார். பார்ப்பனர் அல்லாத ஒருவர் தகுதி உடையவர் என்றால், தகுதி முக்கியமா? நம்பிக்கைதான் முக்கியம் என்று கூறி பார்ப்பனரை நியமிப்பார்.இதுதான் ராஜாஜியின் அணுகு முறை மட்டு மல்ல. எல்லாப் பார்ப்பனர்களின் அணுகுமுறையும் இன்று வரையும்கூட.

ராஜாஜியைப் பற்றி முக்கிய சான்று ஒன்று இருக்கிறது. அதுவும் மோதிரக் கை அது. குட்டுப் பட்டாலும் மோதிரக் கையால்தான் குட்டுப்படவேண்டும். இதோ அந்தக் குட்டு!

காங்கிரஸ்காரர்களைக் கண் காணித்து வருமாறும் சோஷலிஸ்டு களைக் கைது செய்யுமாறும் போலீசுக்கு உத்தர விட்டார். இந்திய சுதந்திர நாள் உறுதிமொழி எடுத்துக் கொள்வதன் மீது பிரிட்டீஷ் அரசாங்கம் பிறப் பித்திருந்த தடையைத் தொடர்ந்து கடைப்பிடித்தார். ஒரு சோஷலிசப் பத்திரிகை பிணைத் தொகைக் கட்டும் படி செய்தார். முந்தைய ஆண்டுகளில் காங்கிரசால் கடுமையாகக் கண்டனம் செய்யப்பட்டு வந்த கிரிமினல் சட்ட திருத்தத்தை இந்தி எதிர்ப்பு மறியல் செய்தவர்கள் மீது பயன்படுத்தினார்.

கடுமையான நடவடிக்கைகள் தான் இந்தியாவில் பலிக்கும் என்றும், சட்டமறுப்பு இயக்கங்களின்போது பிரிட்டிஷார் மிகவும் மென்மையாக நடந்து கொண்டனர் என்றும் ஆளுநர் எர்ஸ்கினிடம் கூறினார். ஆந்திர மாநிலம் ஏற்படுவதைத் தடுத்து தனது சொந்தக் கட்சிக்கு எதிராகவே ஆளுநருடன் சேர்ந்து சதி செய்தார். ஒரு மாத விடுமுறையில் செல்லும் போது தனது அரசாங்க அலுவலர் களில் பெரும்பாலானவற்றை ஆளுநரே எடுத்துக் கொள்ள வேண்டும் என்றும் தனது அமைச்சரவை சகாக்களைக் காட்டிலும் எர்ஸ்கின் (ஆளுநர்) மீதுதான் தனக்கு நம்பிக்கை இருக்கிறது என்றும் கூறினார். தனது ஆதர வாளர்கள் சிலருக்கு பிரிட்டிஷ் சக்கர வர்த்தி வழங்கும் சர் பட்டங்களும் இதர பட்டங்களும் வழங்கவேண்டும் என்று பரிந்துரைக்க விரும்பினார்.

ராஜாஜி பற்றி இப்படி எழுதியிருப்பவர் டாக்டர் ராதாகிருஷ்ணன் அய்யர் அவர்களின் அருமருந்தன்ன புத்திரர் வரலாற்றாளர் சாட்சாத் சர்வபள்ளி கோபால்தான்! லட்சுமி நாராயணர்களுக்கு அக்குளில் தேள் கொட்டிய மாதிரி இருக்கிறதா? ஆப்பதனை அசைத்து விட்ட கதை யாகத் தோன்றுகிறதா? என்ன செய் வது? உப்புத் தின்ற அளவுக்குத் தண்ணீர் குடித்துத்தானே தீரவேண்டும்!

பேராசை நாயகர் ஆச்சாரியாரைப் பெரும் தியாகி என்பார்கள். 1942ஆம் ஆண்டு போராட்டத்தின் போது காங்கிரசைக் காட்டிக் கொடுத்தவர். ஆகஸ்டு துரோகி என்று காங்கிரஸ்காரர்களே தூற்றினர். அப்படிப்பட்ட ராஜாஜிதான் இந்தியாவின் முதல் கவர்னர் ஜெனரல். அவர் பேராசைக்கு இதோ ஓர் எடுத்துக்காட்டு: 1973-74ஆம் ஆண்டில் ஆச்சாரியாரின் பென்ஷன் முதலியன குறித்த கோப்புகளை கண்ணுறும் வாய்ப்புள்ள ஒருவர் கூறியது: ராஜாஜி அவர்கள் கவர்னர் ஜெனரலாக இருந்து ஓய்வு பெற்றார். தான் நெடுங்காலம் வாழப் போவதாகவும் அக்காலம் முழுதும் தனக்கு வரவேண்டிய பணி ஓய்வுக்காலத் தொகைகளை கணக்கிட்டால் கிண்டி ராஜ்பவனத்தின் மதிப்பை விடக் கூடுதலாக வரும் என்றும்; எனவே அரசு கிண்டி ராஜ்பவன் நிலம் முழுதும் தனக்குக் கொடுத்துவிட வேண்டும் எனக் கேட்டிருந்தார். இந்தக் கோரிக்கையை அரசு நிராகரித்து விட்டது எப்படி இருக்கிறது? (குங்குமம் 7.4.2000)

-----விடுதலை ஞாயிறு மலர்,08-10-2011(மேலும் உண்டு) 

எந்த விதத்தில் இராவணன் தீயவன்?

ஊழலுக்கு எதிரான போராட்டத்தை முன்னிறுத்தி வரும் தசரா விழாவின்போது ஊழல் ராவணனை எரிப்பேன்... நாம் ஒவ்வொருவரும் நமக்குள் இருக்கும் ஊழல் ராவணனை எரிக்க வேண்டும். அப்போதுதான் ஊழலுக்கு எதிராக நாம் போராட்டுவது அர்த்தமுள்ளதாக இருக்கும்” . ----- ஹசாரே தன் கிராம மக்களுக்கு ஆற்றிய உரை.

ஊழலுக்கும் ராவணனுக்கும் என்ன தொடர்பு? ராவணனை கொடியவனாக சித்தரித்து தன் ஆர்.எஸ்.எஸ் புத்தியை வெளிபடுத்தியுள்ளார் இந்த ஊழல் ஒழிப்பு ஜாம்பவான்....சரி நான் கேட்கிறேன்....வாலியை மறைந்து இருந்து கொன்றான் ராமன்...சூத்திரன் சம்பூகனின் தலையை வெட்டினான் ராமன்....தருகவனத்து ரிஷி பத்தினிகளை கற்பழித்தான் சிவன்....தான் பெற்ற மகளாகிய சரஸ்வதியை பெண்டாட்டி அக்கிகொண்டான் பிரம்மா......தாயின் தலையை வெட்டினான் பரசுராமன்....இவர்களை விட எந்த விதத்தில் இராவணன் தீயவன்? இவ்வளவு அய்யோக்கிய பேர்வழிகள் இருக்கும் போது ராவணனை இழுக்க வேண்டிய அவசியம் என்ன? இந்த அயோக்கிய ஹசாரே பேர்வழி பற்றி சிந்தியுங்கள் மக்களே

கோபுரம் இருந்தா லும் லாபம் - இடிந்தாலும் லாபம் - இந்தப் புரோகித கூட்டத்துக்கு

கிருஷ்ண தேவராய மன்னரால் 500 ஆண்டு களுக்குமுன் கட்டப்பட்டது ஆந்திர மாநிலத்தில் காள ஹஸ்தியில் உள்ள சிவன் கோவில்.

இந்தக் கோவிலின் கோபுரம் 2011 மே மாதம் 26ஆம் தேதியன்று இடிந்து தலைகுப்புற விழுந்தது.

நேற்று முதல் நாள் கலசமும் இடிந்து விழுந்தது. இந்தக் கோவிலுக்கு ஏகப் பட்ட தல புராணக் கதைகள் உண்டு (இந்தக் காலத்து டி.வி. விளம்பரம் போல)

இந்தக் கோவில் கருவ றையில் உள்ள திருமேனி சூட்சுமலிங்கமாம். கோபுரமோ ஸ்தூல லிங்க மாம். கோவிலுக்கு வந்து தரிசனம் செய்ய வேண்டிய அவசியம் கிடையாதாம் - தூரத்தில் இருந்தே கோபுரத்தைப் பார்த்து ஒரு கும்பிடு போட்டாலே புண்ணி யமும், கடவுளின் ஆசியும் கிடைத்து விடுமாம்.

ஆனால் அது உண்மை யல்ல - அதன் கதையே வேறு.

வருணாசிரமத் தர்மங் களைக் கடைப்பிடித்தொழு கும் இந்துக்களில் சில சாதியார் கோவிலுக்குள் பிரவேசித்து, இறைவன் உரு வினைக் கண்டு தொழு வதற்கு இயலாதவராய் இருத் தலின், அன்னார் நெடு நிலைக் கோபுரங்களைக் கண்டு தொழுது நற்பிறப் பெய்துந் திருப்பெறவே வானளாவுங் கோபுரங்கள் அமைக்கப்படுகின்றன

(ஆதாரம் நூல்: இராஜ ராஜ சோழன் ஆசிரியர் இரா. சிவ. சாம்பசிவ சர்மா - பக்கம் 93).

பக்திமான் கண்ணோட் டத்தில் கோபுரம்பற்றி என்ன எண்ணம் இருந்தாலும், மானு டப் பார்வையில் தீண்டா மைக்குக் கட்டியங் கூறும் கேவலத்தின் சின்னம்தான் இந்தக் கோபுரங்கள் என் பதை மறக்க வேண்டாம்.

கோபுரம் இடிந்து விழுந்தது; கலசம் நொறுங்கி விழுந்துவிட்டதே - அந்தக் காளத்தியப்பன் கடவுளின் சக்தி இதுதானா என்ற கேள்வியை எழுப்புவதற்கோ சந்தேகிப்பதற்கோ விட மாட்டார்கள்.

மாறாக வேறு ஒரு மவுடிகத்தைத் தயாராக வைத்து இருப்பார்கள். ஏதோ குற்றம், ஏதோ தோஷம் அதனால்தான் இது நடந்திருக்கிறது என்று திசை திருப்பி விடுவார்கள்.

நவக் கிரக ஸ்தலங்களில் இந்தக் கோயிலும் ஒன்றாம். கால சர்ப்பதோஷப் பரிகாரம் என்று டிக்கெட் போட்டு பணம் சம்பாதிக்கும் கோயி லாயிற்றே - எப்படியும் பண வரவு பாதிக்கப்படக் கூடாது என்பதற்கான சில கதைகள் உண்டு. கோபுரம் இடிந்து விழுந்ததால் ராகு, கேது தோஷம் உடையவர்களுக்கு திருமணத் தடை நீடிக்குமாம். குடும்பத்தில் ஒரு ஆண் குழந்தை இருந்தால் அந்தக் குழந்தையின் உயிருக்கு ஆபத்தாம். இதற்கு என்ன செய்ய வேண்டுமாம்? நெய் விளக்கு ஏற்ற வேண்டும் பிராயச்சித்த சாந்தி ஹோமம் நடத்த வேண்டும் என்று புரோகிதப் பார்ப்பானுக்கு வரும்படிக்கு ஏற்பாடு செய்யப்பட்டு விடும்.

ஆக, கோபுரம் இருந்தா லும் லாபம் - இடிந்தாலும் லாபம் - இந்தப் புரோகித கூட்டத்துக்கு.

எவ்வளவுத் தகிடுதத்த மான சுரண்டல் ஏற்பாடு!

முதலில்லா லாபம் விதைக்காது விளையும் கழனி என்று அறிஞர் அண்ணா சொன்னதை இப் பொழுது நினைத்துக் கொள்க!

------மயிலாடன்,விடுதலை,03-10-2011

துக்ளக்கின் புரட்டுக்குப் பதிலடி! (12) குலக்கல்வித் திட்டத்துக்கு ஜே போடுவதா?

தி.மு.க. பிரிந்த பின் திராவிடர் கழகத்துக்கும், தி.மு.க.வுக்கும் இடையே ஏற்பட்ட வாதப் பிரதிவாதங்கள் தந்தை பெரியார் அவர்கள் தி.மு.க.வையும் அதன் முன்னணித் தலைவர்களைப் பற்றியும் விமர்சனம் செய்தது என் பதைப் பற்றித்தான் திருப்பித் திருப்பி துக்ளக்கில் எழுதிக் கொண்டிருக்கிறார் திருவாளர் கே.சி.லட்சுமி நாராயணன்.

எந்த ஒரு கட்சியிலிருந்தும் பிரிவு ஏற்படும் பொழுது இத்தகைய விமர் சனங்கள் ஏற்படுவது இயல்புதான். இது குறித்து விடுதலை ஆதாரபூர்வமாகப் பதிலடி கொடுத்துள்ளது. காங்கிர சுக்குள் ராஜாஜி கோஷ்டி, காமராஜர் கோஷ்டி என்றெல்லாம் இருந்து வந்திருக்கின்றன. சத்தியமூர்த்தி அய்யர் அணி, ஆச்சாரியார் அணிகள் இருந் திருக்கின்றன. ஒருவரை ஒருவர் விமர் சனம் செய்திருக்கின்றனர். இதைப் பற்றி யெல்லாம் விரிவாக விடுதலை எடுத்துக் கூறியும், அரைத்த மாவையே அரைக்கும் அரை வேக்காட்டுத் தனத்தில் பம்பரம் சுற்றுகிறது துக்ளக்.

தி.க.வும் - தி.மு.க.வும் வாதப் - பிரதி வாதங்கள் செய்திருந்தாலும், தந்தை பெரியார் அவர்கள் காலத்திலேயே அதற்கான முடிவுகள் காணப்பட்டு, ஆட்சியே பெரியாருக்குக் காணிக்கை என்று அண்ணா சொல்லும் அளவுக்கு நிலைமைகள் சீரடைந்தனவே. இது சூத்திரர்களின் அரசே என்று கலைஞர் சொல்லும் அளவுக்கு திராவிடர் கழகத்துக்குப் பெரு வெற்றி கிடைத்துவிட்டதே. இவற்றையெல்லாம் கவனத்தில் கொள்ளாமல், எழுதுவதற்கு வேறு சரக்கு இல்லாத கையறு நிலையில் நிற்பதாகத் தெரிகிறது.

இதனூடே சந்தடி சாக்கில் கந்தப் பொடி தூவுவது போல ஆச்சாரியார் (ராஜகோபாலாச்சாரி) கொண்டு வந்த குலக்கல்வித் திட்டத்திற்கு முட்டுக் கொடுக்க வந்தாரே பார்க்கலாம்.

ஏழைக் குடும்பங்களைச் சேர்ந்த ஒவ்வொரு குழந்தையும், ஒவ்வொரு சிறு வனும், சிறுமியும் பள்ளிக் கூடத்திற்குச் செல்ல இயலும் வகையில் ஒரு புதிய, மாற்றியமைக்கப்பட்ட, ஏற்பாட்டை கல்வி முறையை ராஜாஜி அறிமுகம் செய்தார். அது ஒரு புரட்சிகரமான ஏற்பாடு. முன்னேறிய பல நாடுகளில் கல்வி முறை அவ்வாறு அமைந் திருக்கிறது.

அது வரை கல்வி கற்காத ஏழைக் குழந்தைகள், புதிய ஏற்பாட்டின் விளை வாக கல்வி கற்பார்கள் என்பதுதான் அந்தத் திட்டத்தின் தனிச் சிறப்பு. எனினும் திராவிடக் கட்சிகள், அரசியல் நோக்கத்துடன் அந்தப் புதிய ஏற்பாட்டை எதிர்த்தன. காங்கிரஸ் உறுப்பினர்கள் சிலரும் அந்த எதிர்ப் புக்கு ஆதரவு தந்தார்கள்.

அந்தச் சூழலில் ராஜாஜி அமைச் சரவை 13-.4.-1954 அன்று பதவி விலகிறது. அன்றைய தினமே காமராஜர் தலை மையில் புதிய காங்கிரஸ் அமைச்சரவை பதவி ஏற்றது. (துக்ளக் 5-.1--0.2011 பக்கம் 12)

உடம்பெல்லாம் மூளை என்று பீற்றிக்கொள்ளும் ராஜாஜியால் வாய்தா காலத்துக்குக் கூட ஆட்சி செய்ய முடியாமல் தந்தை பெரியார் அவர்களின் தலைமையில் ஒட்டு மொத்த தமிழினமே எரிமலைக் குழம்பாக வெடித்துக் கிளம்பிய நிலையில், பஞ்சக் கச்சம் காணோம், துண்டைக் காணோம் என்று ஆச் சாரியார் ஓடி (அத்தோடு அவர் பொது வாழ்க்கையும் அனேகமாக அஸ்தமனம் ஆயிற்று!) 57 ஆண்டுகளுக்குப் பிறகும் கூட அக்ரகாரத்தின் ஆற்றாமை அடங்கவில்லை.

ஆச்சாரியார் கொண்டு வந்த அந்தக் குலக்கல்வித் திட்டம் - வருணாசிரமப் புத்தி பார்ப்பனர்களை விட்டுப் போகவில்லை என்பதைத்தானே துக்ளக்கட்டுரை நிரூபிக்கிறது?

முன்னேறிய பல நாடுகளில் கல்வி முறை அப்படித்தான் இருக்கிறதாமே - எந்த நாட்டில் அப்படி இருக்கிறது? துக்ளக் பட்டியல் கொடுக்கட்டும் பார்க்கலாம். தொழிற்கல்வி என்கிற ஜாதித் தொழில் வேறு - அப்பன் தொழிலை அவன் மகன் -மகள் செய்ய வேண்டும் என்பது வேறு. இரண் டையும் போட்டுக் குழப்பக்கூடாது; குழப்ப முயற்சிக்கவும் கூடாது. அந்தச் சூழ்ச்சி வலையை முறியடித்தது விழிப்புணர்வுடன் தமிழ்நாடு.

புதியகல்வித் திட்டத்தின்படி அது வரையில் கல்வி கற்காத ஏழைக் குழந்தைகள் கல்வி கற்பார்களாம்.

என்ன கதை இது? இந்த அரைநேரக் குலக்கல்வித் திட்டத்தை செயல்படுத் துவதோடு, ஏற்கெனவே இருந்து வந்த ஆறாயிரம் கிராமப் பள்ளிகளை மூடினார் அந்த மூதறிஞர் என்பதை மூடிபோட்டு மறைக்கும் முப்புரிகளின் சூழ்ச்சியை நினைத்துப் பார்க்கவேண்டும்.
இப்பொழுது மட்டுமல்ல. 1937_-39 ஆண்டுகளில் சென்னை மாநிலப் பிரதமராக வந்த போதும் கூட 2500 பள்ளிகளுக்கு மூடுவிழா நடத்திய நவீன மனு இந்த ஆச்சாரியார்.

முதல் அமைச்சர் என்றால் புதியன வற்றைத் திறப்பார்கள். மூளை நிரம்பி வழியும் இந்த மகானுபாவரோ மூடுவிழா நடத்துவதிலேயே மூச்சு வைத் திருப்பவர்.

சூத்திரர்கள் _- பஞ்சம மக்கள் படித்து விடக்கூடாது படித்துவிட்டால் பிரா மண உயர்ஜாதித் தன்மை உருக் குலைந்து போய்விடும் - ஒரு கட்டத்தில் உடலுழைப்புச் செய்ய வேண்டிய அவசியம் பார்ப்பனர்களுக்கு ஏற்பட் டாலும் ஏற்படக்கூடுமே _- அதனால் தான் இந்த முன்னெச்சரிக்கை நட வடிக்கைகள்.

ஜாதி பற்றிய ஆச்சாரியாரின் கருத்து என்ன என்பதைத் தெரிந்து கொண் டால், ஆச்சாரியார் எப்பொழுது பத விக்கு வந்தாலும் ஏன் பள்ளிக் கூடங் களை மூடுகிறார் என்பதன் ரகசியம் உடைபட்டுப் போய்விடும்.

இவர்தான் ஆச்சாரியார்!

ஜாதி வேற்றுமைகளை ஒழிக்க வேண்டுமேயொழிய ஜாதிகளையல்ல. இதை எல்லோருக்கும் ஒளிவு மறைவு இல்லாமல் எடுத்துச் சொல்ல விரும்புகிறேன். ஏனென்றால், இன்னும் சிறிது காலம்தான் உயிரோடு இருப்பேன். எனக்குப் பின்னால் இவைகளைச் சொல்ல யாரும் இருக்க மாட்டார்கள்.



ஜாதி இருப்பதுதான் நமது பாரம் பரியத்துக்குச் சிறப்பு. ;இந்தக் கூட்டுக் குடும்பம் போன்றே அதுவும் அழியக் கூடாத அமைப்பு.

(பம்பாய் படேல் நினைவுச் சொற் பொழிவில் ஆச்சாரியார்)

ஜாதி முறை ஒழியவேண்டுமென்று பலர் குறை கூறுகிறார்கள். அதை ஒழிக்க முடியாது. இதை நன்கு யோசித் துத்தான் நம் முன்னோர்கள் வர்ணா சிரம முறையை வகுத்துள்ளார்கள். அதன்படி அவர்கள் தங்கள் முறைக் கேற்றவாறு நடந்து மக்களுக்குத் தொண்டு புரிய வேண்டும்.

(கரூரில் ஆச்சாரியார் 29_-1_-1961 இல்)

இட ஒதுக்கீடு பற்றி . . .

முன்னாட்களில் ஜாதி அமைப்பில் கீழ் மட்டத்தில் சேர்ந்திருப்பது இழிவாகவும், பிரதிகூலமாகவும் கருதப் பட்டது. பிரதிகூல நிலையில் தாங்கள் இருப்பது, பிறரது பரீட்சைக்கு உள் ளாகாதபடி சம்பந்தப்பட்டவர்களால் மறைத்துக் காக்கப்பட்டது. இப்போதே பழைய பிரதிகூல நிலையில் இருப்பதே புதிய அனுகூலமாகிவிட்டது. எனவே இதை மறைக்காமல் பின் தங்கிய வகுப்பிலும், ஷெட்யூல்டு வகுப்பிலும் இடம் பெறுவதற்காகப் போட்டி ஏற்பட்டுள்ளது. பின்தங்கியவர்கள் விசேஷ உரிமைகள் கேட்பதற்காகவே பழைய ஜாதி வித்தியாசங்களைக் காப்பாற்றுவதிலும் தீவிர நாட்டம் காட்டப்படுகிறது. பின்தங்கியவர்கள் நல்லவர்களாகத் தங்களைச் சொல்லிக் கொள்ளும் ஒரு சிலர் பிரதிகூலம் ஒன்றையே சலுகையாக்கிக் கொள் ளாதபடி செய்ய வேண்டும்.

சமூகத்தை முறைப்படி சீர்திருத்துவதாக நம்பிக்கை கொண்டிருக்கும் சிலருக்கு இக்கருத்து ருசிக்காது. பின்தங்கியவர்களின் முன்னேற்றத்தையும் க்ஷேமத்தையும் தடுப்பதே இக்கருத்துகளின் நோக்கம் என்று அவர்கள் கண்டனம் செய் வார்கள். விவேகமற்றவர்கள் விவே கத்தை என்றுமே தவறாகத்தான் கருதியிருக்கிறார்கள்.

(தமிழக சட்டமன்றத்தில் கம்யூனல் ஜி.ஓ. பற்றி கேட்கப்பட்ட கேள்விக்கு முதலமைச்சர் சி.ஆர். ஆச்சாரியார் அளித்த பதில்.)

தர்மம் கெட்டுப் போனால், அதர்மத்தினாலாவது இதைத் தடுக்க முயலுவது ஒரு தருமமாகும் என்று சென்னை கோகலே மண்டபத்தில் (15-_12_1964) பேசியவராயிற்றே இதே ஆச்சாரியார்.

(சுதேசமித்திரன் 16_-2_-1964)

ஆச்சாரியார் கூறும் _ மனுதர்மம் வலியுறுத்தும் இந்தக் குலதர்மத்தின் அடிப்படையில்தான் ஆச்சாரியார் குலக்கல்வித் திட்டத்தைத் திணித்தார் என்பதைப் புரிந்து கொண்டால், துக்ளக்கும், கல்கியும், தினமலரும் இன்றைக்கு ஆச்சாரியாரின் குலக் கல்வித் திட்டத்திற்காக வக்காலத்து வாங்குவதன் வண்டவாளமும், இரக சியமும் அப்பட்டமாகப் புரியுமே!

இத்தகைய மனப்பான்மை உடைய ஒருவர் ஒடுக்கப்பட்ட மக்கள் படிக்க வேண்டும் - உத்தியோகங்களுக்குச் செல்லவேண்டும் என்பதில் நாட்டம் கொள்வாரா? அல்லது நயவஞ்சக வலை பின்னும் வேலையில் ஈடுபடு வாரா?

கே.சி. லட்சுமிநாராயண அய்யர் வாள் துக்ளக்கில் குலக்கல்வித் திட்டத்தை ஆதரித்து வரிந்து வரிந்து எழுதுவதில் ஆச்சரியமில்லை. துக்ளக் ஆசிரியர் சோ ராமசாமியும் இவ்வாறு எழுதியவர்தான்.

மாணவர்கள் வெறும் ஏட்டுக் கல்வி கற்பதோடு நின்றுவிடாமல், ஏதாவது ஒரு தொழிலையும் ஓரளவு கற்றுக் கொள்ள வேண்டும் என்று ராஜாஜி முதலமைச்சராக இருந்தபோது முடிவு செய்தார். ஒரு மாணவனுடைய பெற்றோர் எந்தத் தொழில் செய் கிறார்களோ, அந்தத் தொழிலை அவனுக்கும் கற்பித்தால், அவனுடைய பெற்றோர்க்கும் அது உதவியாக இருக்கும்; பார்த்துப் பழக்கம் இருக்கும் என்பதால், அவனுக்கும் அது எளிதாக வரும் - என்ற முறையில் அவர் சிந்தனை ஓடியது. முடிவைப் பொறுத்த வரை நல்ல எண்ணத்தோடு செய்யப்பட்ட முடிவுதான். அச்சத்தின் காரணமாக அதை மாற்றாத உறுதியும் ராஜாஜி யிடம் இருந்தது. செயல்படுத்தக்கூடிய துணிவும் இருந்தது.

ஆயினும் அந்தத் திட்டத்தைச் செயல்படுத்த முனைந்தபோது அவர் பதவியைத் துறக்க வேண்டியதாயிற்று. தனது கட்சியை அவர் கலந்து ஆலோசிக்கவில்லை. குலக்கல்வி எனப் பேச்சு வந்த போது, அந்தத் திட் டத்தைக் கொண்டுவருவதில் தனக்கு இருந்த நோக்கம், நல்லெண்ணம் போன்றவற்றை எடுத்துக் கூறி மற்ற வர்களும் அதை ஏற்குமாறு செய்வதற்கு ராஜாஜி முனையவில்லை.

கட்சிக்குச் சற்றே வளைந்து கொடுத்து, மற்றவர்களும் அதை ஏற்குமாறு செய்து, சிலரைச் சமாதானப் படுத்தி, பெயருக்குக் சில மாற்றங்களைச் செய்து, மக்களிடையே நின்று, திட்டத்தின் நன்மைகளை விளக்கிச் செயலாற்றும் அளவுக்கு இறங்கி வர அவர் தயாராக இல்லை. அதனால் அவரும் பதவியை விட்டுப் போனார். திட்டமும் போயிற்று. அதை எதிர்த்துப் புரளி கிளப்பியவர்களின் பேச்சு எடு பட்டது. ராஜாஜியின் நல்லெண்ணம் அடிபட்டது.

(துக்ளக் 15.-7.-1988)

துக்ளக் மட்டுமல்ல, கல்கியும், தின மணியும், தினமலரும் ஆச்சாரியாரின் குலக்கல்வித் திட்டத்தை அரை நூற் றாண்டுக்குப் பிறகும் கூட- தமிழ்நாட்டு மக்கள் அதை வெறுத்துத் தூக்கி எறிந்தார்கள் என்கின்ற பாடத்தைக் கூடப் படிக்காமல் பூணூல் வெறியுடன் ஆச்சாரியாரின் குலக்கல்வித் திட்டத் திற்காகப் பூணூலால் பூமாலை சூட்டு கிறார்கள். இதுதான் அவாளுக்கே உரிய வருணாசிரம வெறியும், பூணூல் புத்தியும்.

கல்கி என்ன கதைக்கிறது? அதையும் பார்த்து விடலாமா?

ராஜாஜி ஒரு வேளை படிப்பு, ஒரு வேளை தொழில் என்றார். அவர் திட்டம், இருக்கிற பள்ளிகளையும், ஆசிரியர்களையும் வைத்துக் கொண்டே இரட்டிப்பு எண்ணிக்கையில் நவீன கல்வி போதிக்க வழி வகுத்தது. அதே நேரத்தில் உடல் உழைப்பின் மகத் துவத்தை அவர்களுக்கு உணர்த்தியது. தொழில் அறிவையும், ஆர்வத்தையும் பெருக்கியது.

எந்தத் தொழிலானாலும் அது இழிவில்லை என அறிவுறுத்தியது. குமாஸ்தா மனப்பான்மையை விரட்டி அடிப்பது, தொழில் ஊற்பத்திக்கும், பொருளாதார வளர்ச்சிக்கும் உதவுவது, வேலையில்லாத் திண்டாட்டத்தைப் போக்குவது. தொழிற்கல்வித் திட் டத்தைக் குலக்கல்வித் திட்டம் என்று பெயர் சூட்டி ஒதுக்கியது அன்றைய பொறாமை அரசியலுக்கு வசதியாக இருந்தது. அவ்வளவுதான் என்று கல்கி எழுதியது (1980 ஜூலை).

ஆச்சாரியாரின் குலக்கல்வி - தொழிற்கல்வியாம். மலம் எடுப்பவன் மகன் மலம் எடுக்கும் தொழிலைச் செய்ய வேண்டும். பார்ப்பனர்கள்தான் பெரும்பாலும் படிப்பாளிகள். உத்தி யோகம் பார்ப்பவர்கள் (1950_களைக் கணக்கில் கொள்ள வேண்டும்). வழக்கறிஞர்களாக, டாக்டர்களாக, இருப்பார்கள். பொறியாளர்களாக இருப்பார்கள். அவர்கள் வீட்டுப் பிள்ளைகள் பிற்பகலில் என்ன தொழிலைச் செய்வார்கள்? புள்ளி விவரம் வாரியாக இதுவரை இந்த வினாக்களுக்குப் பதிலிறுத்துண்டா பார்ப்பன வகையறாக்கள்?

தினமலர் என்ன சொல்லுகிறது?

கேள்வி: இன்றைய இளைய சமுதா யத்தினருக்கு பல்கலைக் கழகங்கள் கல்வி கற்றுத் தருவதை விட ஏதாவது கைத்தொழில் கற்றுத் தந்தால் என்ன? பட்டத்தை வைத்துக் கொண்டு ரோடு ரோடாக அலைந்து திரிவதை விட, கைத்தொழில் ஒன்றைக் கற்றுத் தொழில் செய்யலாமே?

பதில்: கற்றுத் தருவதைவிட - என் பதை விட - நீங்கள் கூறும் திட்டத் தையும், அன்றைய முதல்வர் ராஜாஜி அமல்படுத்தினாராம். (படித்து, கேட்டுத் தெரிந்து கொண்டதால் ராம் போட்டுள்ளேன்). அப்போது இந்தத் திராவிடக் கட்சிகள் குய்யோ முறையோ எனக் கத்தி பைசா பெறாத காரணங்களைக் கூறி, ஜாதி வெறியைத் தூண்டிவிட்டு, இக்கல்வி முறையை (காலையில் ஏட்டுக் கல்வி- மாலையில் தொழிற்கல்வி) தொடரவிடாமல் தடுத்துள்ளனர். பலனை இன்று அனுபவிக்கிறோம்.

(தினமலர் -வார மலர் 4-_4-_2010)

ஆச்சாரியார் குலக்கல்வித் திட்டப்படி அரை நேரம் படித்து, அரை நேரம் குலத் தொழிலைச் செய்ய விட்டிருந்தால், இந்தத் தாழ்த்தப்பட்ட, பிற்படுத்தப்பட்ட மக்கள் இந்த அளவு படித்திருப்பார்களா? சென்னைப் பல்கலைக் கழகத்துக்கு உட்பட்ட கல்லூரிகளில் 89 சதவிகித மாணவ, மாணவிகள் பார்ப்பனர் அல்லாதார் என்று துணைவேந்தர் க.திருவாசகம் சொல்லும் (20-.11-.2010) நிலை உருவாகி இருக்காதல்லவா? எல்லாம் பார்ப்பனர் களின் வயிற்றில் அல்லவா அறுத்து வைக்கப் பட்டிருக்கும். அந்த நிலை பறிபோய்விட்டதே என்கிற ஆத்திரம் 56 ஆண்டுகளுக்குப் பிறகும் கூட அவாளுக்கு அடங்கவில்லை.

பார்ப்பனர்களைப் பொறுத்தவரை மனுநீதிதான் ஆதிக்கபுரியைக் கட்டிக் காக்கும் கோட்டை.

சூத்திரன் தன் தொழிலை விட்டு உயர் குலத்தோனுடைய தொழிலைச் செய்தால் அவன் பொருள் முழுவதையும் பறித்துக் கொண்டு அரசன் அவனை நாட்டை விட்டுத் துரத்திவிட வேண்டும்.

(மனுதர்மம அத்தியாயம் 10 சுலோகம் 96)

பெரியார் சகாப்தத்தில் இது தலை கீழாக மாறி விட்டது; மனுதர்மப்படி குலத்தொழிலைச் செய்ய வேண்டும் என்ற எண்ணத்தில் குலக்கல்வித் திட்டத்தைக் கொண்டு வந்த பார்ப்பன ராஜாஜி பதவியை விட்டு விரட் டப்பட்டார்.

அதனால்தான் அறிஞர் அண்ணா அவர்கள் தந்தை பெரியாரைப் பற்றிக் குறிப்பிடும் பொழுது, பெரியார் ஒரு தனி மனிதரல்லர்; ஒரு சகாப்தம், - ஒரு காலகட்டம், -ஒரு திருப்பம் என்றார்.

தந்தை பெரியாருக்கு எதிராக துக்ளக் ஆச்சாரியாரைக் கொண்டு வந்து நிறுத்துகிறது. இதனைச் சவாலாக ஏற்கிறோம். ஆச்சாரியாரின் ஆரியத் தாண்டவம்.

- அடுத்த இதழில்!

---------- விடுதலை ஞாயிறு மலர்,01-10-2011