கிழவிக்கு குழந்தையாம்...புளுகடா புளுகு!

தலைப்பைப் படித்து விட்டு, ‘ஆன்மிகமா’ என்ற கேள்வி உங்கள் மனதில் எழலாம். இந்தச் செய்தி ஆன்மிகம் மட்டுமல்ல, சமூகப் பண்பாடும் சார்ந்தது.

மதுரை மேலூரில் சாலை-யின் மேல் அமைந்துள்ளது கிழவி அம்மன் கோயில். சுற்றிலுமுள்ள 18 பட்டியில் வசிக்கும் ஒரு குறிப்பிட்ட சமூகத்தினருக்குப் பாத்தியப் பட்ட கோயில் இது. அது மட்டுமல்ல... அச்சமூகத்தைச் சேர்ந்த 7 கரைகளின் குல தெய்வமும் இந்தக் ‘கிழவி அம்மன்’தான். ஜாதி, மதப் பேதமின்றிக் குழந்தை வரம் வேண்டி இக்கோயிலுக்கு வரும் பக்தர்களின் எண்ணிக்கை அதிகம்.

இக்கோயிலுக்குப் பின்னால் இருக்கும் வரலாறு நெகிழ்ச்சியானது. சுமார் 300 ஆண்டுகளுக்கு முன்னர் குறிப்பிட்ட சமூகத்தைச் சார்ந்த வயதான தம்பதி வாழ்ந்து வந்தனர். கிழவியின் ஊர் மேலூர் அருகேயுள்ள சூரைகுண்டு. கிழவனின் ஊர் முன்றவன் கூட்டம். இவர்களுக்கு 60 வயதாகியும் குழந்தை யில்லை. இதனால் விரக்தியடைந்த கிழவன், ஒரு சந்தர்ப்பத்தில் கிழவியைத் திட்டி, அவர்களது தாய் வீட்டுக்கு அனுப்பிவிட்டார். இதனால் மனமுடைந்த கிழவி, தாய் வீட்டுக்குச் செல்லும் வழியிலுள்ள அழிசி மரநிழலில் அமர்ந்து அய்யனாரை நினைத்து வேண்டியிருக்கிறார். அந்தச் சமயம், அய்யனார் ஒரு சிறுவன் வடிவில் வந்து, ‘நீ உன் பிறந்தவீட்டுக்குப் போ. எல்லாம் சரியாகிவிடும் என ஆறுதல் கூறியிருக்கிறார். சிறுவன் என்றாலும் அவன் சொன்ன தொனிக்குக் கட்டுப்பட்டு, கிழவியும் தன் பிறந்த வீட்டுக்குப் புறப்பட்டி ருக்கிறார். வழியில் அவருக்கு மாதவிலக்கு ஏற்பட்டுள்ளது. பயந்து போன கிழவி, பிறந்த வீட்டுக்குச் சென்று நடந்ததைக் கூறியிருக்கிறார். கோடங்கி அடித்துப் பார்த்ததில், சிறுவனாக வந்தது அய்யனார் என்று தெரிய வந்திருக் கிறது. கிழவி மட்டுமல்ல, நடந்ததற்காக வருந்தி தன் மனைவியைப் பார்க்க வந்த கிழவனும் ஆச்சரியப்பட்டிருக்கிறார்.

கையோடு கிழவியைத் தன்னுடன் அழைத்துச் சென்றார் கிழவன். அய்யனார் வாக்களித்தபடியே அதன் பிறகு இவர்களுக்கு 3 ஆண் குழந்தைகள் பிறந் துள்ளன. அய்யனாரே வந்து அருளியதற்காகவும், 60 வயதுக்குப் பிறகு 3 குழந்தைகளைப் பெற்றதற்காகவும் கிழவியைத் தெய்வமாகவே நினைத்து அப்பகுதி மக்கள் வழிபட ஆரம்பித்தனர்.

“இங்க வந்து குழந்தை இல்லாதவங்க கும்பிட்டா, நிச்சயம் குழந்தை பிறக்கும். தனக்கு ஆறுதல் சொன்னது அய்யனார்தான்னு தெரிஞ்சதும், எந்த இடத்துல தனக்கு ஆறுதல் கிடைச்சுதோ, அந்த இடத்துல அய்யனாருக்குக் கோயில் எழுப்பி, தான் வாழ்ந்த காலம் முழுக்க ஆண்டுதோறும் மண்ணுல குதிரை வைச்சு கிழவி வழிபட்டாங்க. அதை நாங்களும் விடாம செஞ்சுக்கிட்டு இருக்கோம்’’ என்கிறார் கோயில் பூசாரி. (தினகரன்_வசந்தம் 16.05.2010)

மேற்கண்டவற்றைப் படிக்கும்போது, புளுகுவதிலும் ஓர் அளவு வேண்டாமா என்று எண்ணத் தோன்றுகிறதா இல்லையா?

360 ஆண்டுகளுக்கு முன் ஒரு நிகழ்ச்சி நடந்தது என்று கூறப்பட்டுள்ளது. அதற்குப் பின் இந்தக் கிழவி அம்மன் பிள்ளைப் பாக்கியம் கொடுக்காதது ஏன்?
யாரும் இந்தக் கிழவியிடம் அவ்வாறு வரம் கேட்க வாய்ப்பில்லையா!

360 ஆண்டுகளுக்கு முன் என்றால் கதையளக்கலாம். இப்பொழுது நடந்தது என்றால் அதுபற்றி விசாரணை நடத்தி உண்மையா என்று ஆராய முற்படுவார்களே. அப்பொழுது இவர்களின் குட்டு உடைபட்டுப் போகுமே! ஏமாற்றுதல் _ மோசடி இவற்றின் கூட்டுத் தொகைதான் பக்தியோ!

கடவுளைப் பரப்புகிறவன் அயோக்கியன் என்று தந்தை பெரியார் சொன்னதற்கு இப்பொழுது நியாயம் தெரிந்திருக்குமே!

------ நன்றி விடுதலை ஞரயிருமலர் (22.05.2010)

அரசமரத்துக்கும், வேப்பமரத்துக்கும் திருமணமாம்! வெட்கம்

சென்னையில் 300 ஆண்-டுகள் பழமைவாய்ந்த அரசமரத்துக்கும், வேப்-பமரத்துக்கும் கோலாகல-மாக திருமணம் நடந்த-தாம். சென்னை வண்-ணாரப்பேட்டை ஜி.ஏ. ரோட்டில் மறைந்த காத்தவராயன் என்பவர் 300 ஆண்டுகளுக்கு முன்பு வீடுகட்ட தோண்டிய இடத்தில் காமாட்சி அம்மன் சிலை ஒன்று கிடைத்ததாம். அதைத்-தொடர்ந்து அக்கோவில் 3 தலைமுறையில் விரி-வாக்கம் செய்யப்பட்டு இன்று பிரபலமாகி உள்-ளது. இக்கோவிலின் இடது பக்கத்தில் அரச மரமும், வேப்பமரமும் உள்ளது.


இந்த மரங்களை வலம் வந்தால் திருமணம் தடை-பட்டவர்களுக்கு திரு-மணம் கைகூடும் என்-றும், குழந்தை பேறு இல்-லாதவர்கள் இதனை வலம் வந்தால் குழந்தை பேறு கிடைக்கும் என்-றும், தீராத நோய்களும் இந்த மரத்தை சுற்றி வந்தால் குணமாகும் என்பதும் இப்பகுதியில் உள்ள மக்களின் நம்பிக்-கையாக இருந்து வருகிற-தாம். இந்த மூட நம்பிக்-கையை உண்மை என்று நம்பி பகுத்தறிவற்ற முட்-டாள் பக்தர்கள் அங்கு சென்று வருகின்றனர்.

300 ஆண்டு பழமை வாய்ந்த தெய்வீக மரங்-களுக்கு திருமணம் செய்து வைத்தால் இப்பகுதி மக்கள் எந்த குறையும் இல்லாமல் எல்லா வள-மும் பெற்று நலமுடன் வாழ்வார்கள் என்று கருதிய கோவில் நிருவா-கத்தினர் தெய்வீக மரங்-களுக்கு திருமணம் நடத்த முடிவு செய்தனர்.

அதன்படி நாகராஜ சுவாமி என்கிற அரச-மரத்திற்கும், நாகாயட்-சினி அம்பிகை என்கிற வேப்பமரத்திற்கும் திரு-மணம் நடந்ததாம். இந்த திருமண நிகழ்ச்சியில் அந்த பகுதியைச் சேர்ந்த சுற்றுவட்டார பக்தர்கள் சீர்வரிசையுடன் கலந்து கொண்டார்களாம்.

21ஆம் நூற்றாண்டி-லும் இன்னும் மரங்களை சுற்றினால் குழந்தை வரம் கிடைக்கும், திரு-மணம் நடக்கும் என்று மூடத்தனமாக நம்பும் இந்த பாமரர்கள் எப்-போதுதான் திருந்தப்-போகிறார்களோ? இராய-புரம், வண்ணாரபேட்டை-யில் உள்ள மருத்துவ-மனை மற்றும் ஸ்டான்லி மருத்துவமனைகளை எடுத்துவிடலாமா? பக்தர்களே சிந்திப்பீர்!

---------- நன்றி விடுதலை (28.03.2010)